Firmakeppni SA lokið - Íslandsbanki sigraði.

Hin árlega firmakeppni Skákfélagsins hófst fljótlega eftir páska. Leitað var til fyrirtækja og stofnana um þátttöku í keppninni og voru þátttakendur alls 38. Keppnin var tvískipt, fyrst voru tefldar undanrásir í fjórum riðlum. Dregið var um það hver tefldi fyrir hvert fyrirtæki og gáfu þrjú efstu sætin rétt til þátttöku í úrslitum sem fóru fram þann 13. maí.

Eftirtalin fyrirtæki tóku þátt í keppninni:

Akureyrarbær

Arion banki

Bautinn

Becromal

Bílaleiga Akureyrar

Blikk- og tækniþjónustan

BSO

Bústólpi

Grófargil

Gullsmiðir SOP

Gúmmíbátaþjónustan

Hafnarsamlag Norðurlands

Heimilistæki

Íslandsbanki

Íslensk verðbréf

KEA

Kjarnafæði

KPMG

Krua Síam

Kúnígúnd

Landsbankinn

Litla saumastofan

Matur og mörk

Norðlenska

Norðurorka

Nýja Kaffibrennslan

Olís

Rafeyri

Raftákn

Rarik

Samherji

SBA-Norðurleið

Sjóvá

Skíðaþjónustan

Sólskógar

TM

Tölvulistinn

VÍS

 

Úrslit í riðlakeppninni urðu þessi:

Í fyrsta riðli komust fjármálafyrirtækin Arion banki, Íslandsbanki og Íslensk verðbréf áfram, en Gullsmiðir SOP urðu í fjórða sæti. Alls kepptu níu fyrirtæki í þessum riðli.

Úr öðrum riðli komust systurfélögin Kúnígúnd og Tölvulistinn áfram ásamt Norðurorku en KEA varð í fjórða sæti. Einnig níu þátttakendur hér.

Í þriðja riðli var barátta hörð, en þar enduðu SBA-Norðurleið, Blikk- og tækniþjónustan og Matur og mörk í þremur efstu sætunum. Bústólpi varð í fjóðra sæti.

Í lokariðlinum féllu þrjú efstu sætin í skaut Litlu saumastofunnar, Sjóvár og Skíðaþjónustunnar, sem varð hársbreidd á undan Becromal.

Þar með var ljóst hvaða tólf félög myndu tefla til úrslita þann 13. maí. Eins og áður var dregið um það hver tefldi fyrir hönd hvaða félags.

Þar reyndist Íslandsbanki hafa heppnina með sér. Jón Kristinn Þorgeirsson sem tefldi fyrir þeirra hönd var í fantastuði og vann allar sínar skákir. Aðrir þátttakendur komu þar í humátt á eftir. Efstu félögin í úrslitum voru þessi:

1. Íslandsbanki (Jón Kristinn Þorgeirsson)
2. Sjóvá (Símon Þórhallsson)

3-4.  Skíðaþjónustan (Ólafur Kristjánsson) og

   Arion banki (Áskell Örn Kárason)

5. Litla Saumastofan (Sigurður Arnarson)
6. Matur og mörk (Haraldur Haraldsson)

7-12. sæti: Kúnigúnd, Blikk- og tækniþjónustan, Tölvulistinn, Íslensk verðbréf, Norðurorka og SBA-Norðurleið.

 

Skákfélag Akureyrar þakkar öllum fyrir þátttökuna og þann styrk til félagsins sem í henni felst. Tekist hefur að hafa þessa fjáröflun þannig að öll þátttökugjöldin renna óskipt til starfsemi Skákfélagsins, að langmestu leyti til barna- og unglingastarfs. Þeir sem taka þátt leggja þannig fram mikilvægan skerf til örvandi og heilbrigðrar tómstundaiðju í okkar bæjarfélagi.  Hafi þeir þökk fyrir.

Lyktin af leikþröng

Á morgun, sunnudag, kl. 13.00 er opið hús hjá Skákfélagi Akureyrar. Þá verður fluttur fyrirlestur um leikþröng í skák.
Flestir þekkja dæmi um leikþröng í endatöflum en leikþröng getur átt sér stað þótt enn sé töluvert lið eftir á borðinu. Farið verður yfir nokkarar slíkar skákir.
Aðgangur er ókeypis og öllum heimill. Gert er ráð fyrir athugasemdum úr sal.

Myndin sýnir dæmigerða leikþröng. Sá sem á leik fær tapað tafl. Dæmin sem sýnd verða á morgun eru flóknari.

Dagskráin í maí - uppskeruhátíð annan í hvítasunnu!

Töluverðar breytingar verða á áður auglýstri dagskrá Skákfélagsins nú í maí. Ný áætlun lítur svona út:

6. maí - Opið hús  kl. 13.
7. maí – Lokariðill í firmakeppninni kl. 20.    Hér vonumst við eftir góðri þátttöku. Það skipti miklu fyrir félagið að geta staðið sómasamlega að Firmakeppninni.

13. maí – Fimakeppnin, úrslit kl. 13.  Hér þurfum við sömuleiðis að fá a.m.k. 12 keppendur.

17. maí – Coca-colamótið kl. 13.
18. maí – Vinamótið – vormót barna kl. 11.  Uppskeruhátíð kl. 13

Þetta er mánudagurinn annar í Hvítasunnu. Við byrjum á móti þar sem við vonumst til að sjá sem flest af þeim börnum sem hafa æft með okkur í vetur.  Þau er hvött til að taka með sem vin eða félaga á mótið og verða veitt sérstök verðlaun fyrir þá vini sem gengur best í mótinu.  Uppskeruhátíðin hefst svo að mótinu loknu kl. 13. Þá bjóðum við upp á kakó og vöfflur eða eitthvað annað góðgæti um leið og afhentir verða bikarar og önnur verðlaun fyrir mót frá áramótum. (Vinirnir eru að sjáfsögðu velkomnir!)     Að þessu loknu verður brugðið á leik og teknar nokkrar léttar skákir með fyrirkomulaginu hugur-og-hönd.