Aðalfundur SA - Hjörleifur og hinir - en líka nýir menn

Aðalfundur félagsins fór fram í dag 14. september. Staða félagsins og framtíðarstefna var nokkuð til umræðu, án þess að nokkuð væri ályktað beinlínis um þau mál. Stórn var kjörin sem hér segir (skipting embætta hefur þegar farið fram).

Formaður: Áskell Örn Kárason

Varaformaður: Sigurður Arnarson

Gjaldkeri: Smári Ólafsson

Ritari: Andri Freyr Björgvinsson

Áhaldavörður: Hjörleifur Halldórsson

Meðstjórnandi: Haraldur Haraldsson

svk.útgönguspám virtust líkur á að stjórnin héldi velli.

Jón efstur samkvæmt venju

Í kvöld fór fram fyrsta lotan í Mótaröð SA. Samtals verða tefldar 8 hraðskáklotur  og sigurvegari verður krýndur sá skákmaður sem fær flesta vinninga í 6 lotum.

Samtals mættu 9 skákmenn og var tefld einföld umferð, allir við alla. Úrslit urðu sem hér segir:

Jón Kristinn	7
Áskell Örn	6
Símon Þórhallsson	5
Sigurður Arnarson	5
Sveinbjörn Sigurðsson	4,5
Smári Ólafsson	4,5
Andri Freyr	3
Karl Steingrímsson	1
Kristján Hallberg	0

Mótaröðin að hefjast

Hin hefðbundna mótaröð á haustmisseri er nú að hefjast í Skákheimilinu. Fyrsta umferð í kvöld kl. 20. Verður svo tvefld áfram á fimmtudagskvöldum fram að jólum. Skorum á næstu stjórn að fina e-ð sniðugt í verðlaun fyrir sigurvegarann.

Fjöldi móta verður auglýstur á næstunni, en þau verða ekki færri en 8. Sá sigrar sem rakar saman flesta vinninga (tvö lökustu mótin ekki talin með).

Komaso skákmenn!