Ólympíuafleikir

Í kvöld kl. 20.00 mun verður haldinn fyrirlestur í salarkynnum Skákfélags Akureyrar. Efni kvöldsins eru afleikir á Ólympíumótinu í skák sem fram fór í Tromsö í sumar. Það er huggun fyrir okkur skunkana að sjá að ofurmennin geta líka leikið af sér! Aðalskák kvöldsins er viðureign Shinya Kojima og Sergei Movsesian. Lengst af er sú skák glæsilega tefld hjá Kojima.

Sigurður Arnarson mun romsa út úr sér efni kvöldsins enda heitir Tromsö Romsa á samísku.

Aðgangur er ókeypis og öllum heimill. Búist er við fjölmenni í Höllinni og fyrirsjáanlegur skortur er á bílastæðum.

Haustmót yngri flokka um næstu helgi

Fyrirkomulag:

Tefldar verða 7 umferðir eftir svissnesku kerfi.

Umhugsunartími er 15 mínútur á keppanda í hverri skák.

Teflt verður í einum flokki og keppt um eftirfarandi titla:

 

Skákmeistari SA í barnaflokki – fædd 2004 og síðar.

Skákmeistari SA í flokki 11-13 ára – fædd 2003, 2002 og 2001

Skákmeistari SA í flokki 14-15 ára – fædd 2000 og 1999

Skákmeistari SA í yngri flokkum – allir aldursflokkar samanlagðir.

 

Dagskrá:

Laugardagur 14. nóvember  kl. 12.30-13.00  skráning

                              13.00-15.00 1-4. umferð

Sunnudagur 15. nóvember       13.00-14.30 5-7. umferð 

Úrslitum lýst í mótslok, en verðlaunafhending verður á uppskeruhátíð haustmisseris þann 21. desember  nk.  

 

Úrslit í Arionbankamótinu á morgun

Eins og menn rámar í urðu þeir Símon Þórhallsson og Jón Kristinn Þorgeirsson eftir og jafnir á Haustmóti SA - Arionbankamótinu í síðasta mánuði. Þeir þurfa því að tefla einvígi um titilinn.

Úrslitaeinvígið mun eiga sér stað á morgun, þriðjudag og hefst kl. 17.00. Munu þeir félagar tefla tvær atskákir (20-5) um sigurinn og meistaratitil félagsins. Verði þeir jafnir að- þeim loknum tefla þeir tvær hraðskákir (5-3) og loks - ef enn er jafnt - einma bráðabanaskák. Í þeirri skák hefur annar keppenda hvítt og sex mínútur í umhugsunartíma, en hinn fimm mínútur. Þar hvítur að vinna en svörtum nægir jafntefli. Hlutkesti ræður hvorn litinn keppendur fá.

Áhorfendur eru velkomnir til að fylgjast með spennandi skákeinvígi í Skákheimilinu.