Næst á dagskrá

Margt er á döfinni í Skákheimilinu á næstunni, eða:

fimmtudag 4. desmber kl. 20.00     Mótaröðin, sjöunda lota

laugardag 6. desember kl. 13.00    Norðurlandsmót kvenna (suðursalur)

laugardag 6. desember kl. 13.15    Desembermót 7-12 ára (norðursalur)

sunnudag 7. desember kl. 13.00     15 mínútna mót

Norðurlandsmót kvenna

Hjörleifur Halldórsson, áhaldavörður Skákfélagsins og altmuligmand hefur af mikilli eljusemi staðið fyrir kapptefli kvenna um Norðurlandsmeistaratitilinn undanfarin ár. Í fyrra mættu 10 konur til leiks og tefldu skemmtilegt og fjörugt mót. Nú er komið að móti fyrir 2014 og hljóðar auglýsingin sem hér segir:

 

Norðurlandsmót kvenna í skák 2014

fer fram í Íþróttahöllinni á Akureyri (Skákheimilinu - gengið in að vestan) laugardaginn 6. desember og hefst kl. 13.00.

Fjöldi umferða og tímamörk fer eftir fjölda þátttakenda. Skráning á staðnum.

Núverandi skákmeistari Norðlendinga í kvennaflokki er Ólafía Kristín Guðmundsdóttir.

Skákstjóri er Hjörleifur Halldórsson og má ná sambandi við han í síma 696-4512.

Skylduleikjamót

Enn er teflt í Skákheimilinu eins og títt er á fimmtudagskvöldum. Í þetta sinn verður langþráð skylduleikjamót á boðstólum. Haraldur Haraldsson,  vert og stýrimaður með meiru - Akureyrarmeistari 2012 mun velja upphafsstöðurnar í þeim sjö umferðum sem tefldar verða. Við reiknum þeð því að hann eigi á handraðanum magnaðar stöður úr skákum gengina meistara jafnt og núlifandi. Það verður allavega spennandi að sjá hvað verður í boði.

Taflmennskan hefst kl. 20 að vanda. Að líkindum verða klukkurnar stilltar á 5-3, þ.e. fimm mínútur á skákina, auk þess sem 3 sekúndur bætast við fyrir hvern leik.

Allir skynsamir og góðviljaðir skákmenn eru velkomnir og hinir líka (ef þeir sitja á strák sínum).