Skákþingið - Markús búinn að tryggja sér sigur!

Sjötta og næstsíðasta umferð Skákþings Akureyrar fór fram í dag. Nokkur spenna ríkti um það hvort sigurganga Markúsar Orra Óskarssonar myndi halda áfram og hann ná að tryggja sér sinn fyrsta titil sem Skákmeistari Akureyrar. Skemmst er frá því að segja að Markús lenti í kröppum dansi gegn æfingafélaga sínum, Sigþóri Árna Sigurgeirssyni. Sigþót tefldi djarft til sóknar og fórnaði liði. Á viðkvæmu augnabliki brást vörnin hjá hinum verðandi Akureyrarmeistara og ósigur blasti við. En þá þraut Sigþóri erindið - hann fann ekki vinninginn og lék skákinni skömmu síðar niður í tap. 
Báðir eru þeir þó fullsæmdir af þessari skák, Markús fyrir að hafa siglt henni í farsæla höfn og Sigþór fyrir að hafa sýnt söguleg tilþrif í sóknartaflmennsku. Með sama áframhaldi á hann eftir að landa mörgun stórlöxum. 

Sigur Markúsar er magnaður og er hann yngsti skákmaður sem tryggir sér Akureyrarmeistaratitilinn í 87 ára sögu þessa höfðuskákmóts bæjarins. Það er mikið afrek og við óskum honum til hamingju með það.

Önnur úrslit:
Eymundur-Valur Darri    1-0
Stefán A- Stefán G      0-1
Sigurður-Goði           1-0
Damian-Ýmir             1-0
Vjatsjeslav-Kristian    1-0

Lokaumferð mótsins fer fram nk. fimmtudag og hefst kl. 17 (ath. tímasetninguna!).
Þá eigast þessir við:
Markús og Vjatsjeslav
Stefán G og Sigurður
Stefán A og Eymundur
Goði og Sigþór
Valur Darri og Damian
Ýmir tekur yfirsetu (1/2) og Kristian leggur Skottu að velli (1).

Skákþingið; sigurganga Markúsar heldur áfram

Fimmta umferð Skákþings Akureyrar var tefld í dag. Úrslit urðu þessi:

Markús-Sigurður         1-0
Stefán G-Eymundur       1/2
Ýmir-Stefán A           0-1
Goði-Damian             1-0
Valur Darri-Vjatsjeslav 1-0
Kristian-Sigþór         0-1

Markús er því enn með fullt hús vinninga, fimm talsins. Hann hefur nú eins og hálfs vinnings forskot á næstu menn, vopnabræðurna Stefán G og Eymund. Næstur í röðinni er svo þá Stefán Arnalds með þrjá vinninga.  

Þegar tveimur umferðum er ólokið er Markús því farinn að höggva ískyggilega nærri Akureyrarmeistaratitlinum. 

Sjötta og næstsíðasta umferð verður tefld á sunnudaginn og þá eigast þessir við:
Sigþór og Markús
Stefán A og Stefán G
Eymundur og Valur Darri
Sigurður og Goði
Damian og Ýmir
Vjatsjeslav og Kristian

 

Skákþingið; röðun í fimmtu umferð.

Fimmta umferð Skákþings Akureyrar verður tefld á fimmtudag og hefst að venju kl. 18.00
Þessir eigast við:

Markús og Sigurður
Stefán G og Eymundur
Ýmir og Stefán A
Goði og Damian
Valur Darri og Vjatsjeslav
Kristian og Sigþór