Skákþing Norðlendinga 2015 (Haustmót SA)

Verður haldið á Akureyri dagana 18-20. september 2015. Mótið er jafnframt Haustmót Skákfélags Akureyrar.

Telfdar verða sjö umferðir. Fyrstu fjórar umferðirnar verða atskákir (25 mín) en lokaumferðirnar þrjár verða kappskákir (90 mín + 30 sek fyrir hvern leik).

Dagskrá:

1-4. umferð föstudaginn 18. september kl. 20.00.

5. umferð laugardaginn 19. september kl. 10.00.
6. umferð laugardaginn 19. september kl. 15.00 (eða a.m.k. 45 mín eftir lok 5. umferðar)
7. umferð sunnudaginn 20. september kl. 10.00.

Hraðskákmót Norðlendinga/Hausthraðskákmótið kl. 15.00 (eða a.m.k. 25 mín eftir lok 7. umferðar)

 

Verðlaunafé að lágmarki 100.000 kr. Nánar auglýst síðar.

 

Titlar og verðlaun:

Mótið er öllum opið og allir keppa um sömu verðlaun, óháð búsetu eða félagsaðild.

Titilinn „Skákmeistari Norðlendinga“ getur aðeins sá hlotið er á lögheimili á Norðurlandi.

Titilinn „Skákmeistari Skákfélags Akureyrar“ getur aðeins hlotið félagsmaður í SA.

Verði fleiri en einn jafn í keppni um titilinn „Skákmeistari Norðlendinga“ munu stig ráða og eru keppendur hvattir til að kynna sér stigaútreikning áður en móti lýkur.

Verði fleiri en einn jafn í keppni um titilinn „Skákmeistari Skákfélags Akureyrar“ verður telft um titilinn.

Nýtt skákár í vændum!

Nú hallar sumri og næsta skákár lætur á sér kræla. Að venju verða fimmtudagskvöld og sunnudagar helstu tafdldagar okkar í Skákfélaginu. Nú liggur þetta fyrir:
STARTMÓTIÐ    sunnudaginn 30. ágúst kl. 13.00

HAUSTMÓTIÐ og SKÁKÞING NORTÐLENDINGA   18-20. september (sjá aðra frétt)

ÍSLANDSMÓT SKKÁKFÉLAGA   24-27. september.

AÐALFUNDUR               29. september.

Mótaröðin hefst strax 3. september.

Nánar síðar

 

 

Færeyingar unnu landskeppnina 11,5-8,5

Það var ljóst eftir þá útreið sem íslenska sveitin fékk í fyrri umferðinni að róðurinn yrði þungur í seinni helmingnum. Eftir miklar sviptingar fóru leikar þannig að bæði lið unni fimm skákir og hélst því sá þriggja vinninga munur sem var á liðunum eftir gærdaginn. Einstök úrslit urðu þessi:

Einar Hjalti Jensson-John Rødgaard           1-0

Halldór B. Halldórsson-Olaf Berg             0-1

Björn Ívar Karlsson-Eyðun Nolsøe             1-0

Hlíðar Þór Hreinsson-Sjúrður Thorsteinsson   0-1

Jón Kristinn Þorgeirsson-Rani Nolsøe         0-1

Haraldur Haraldsson-Herluf Hansen            0-1

Símon Þórhallsson-John Jacobsen              0-1

Tómas Veigar Sigurðarson-Luitjen Apol        1-0

Jakob Sævar Sigurðsson-Hjalti Pedersen       1-0

Elsa María Kristínardóttir-Gutti Pedersen    1-0

Þetta er í fjórða sinn í röð sem frændur vorir bera sigur úr býtum í landskeppninni, sem á sér fjörutíu ára afmæli um þessar mundir. Stefnt er að næstu keppni í Færeyjum árið 2017.

Sjá einnig umfjöllun um keppnina á skakhuginn.is