Fannar og Eyþór umdæmismeistarar í skólaskák

Umdæmismót í skólaskák var teflt í Skákheimilinu síðasta vetrardag, 20. apríl. Sjö keppendur voru mættir til leiks í yngri flokki (1-7. bekk) og fjórir í eldri flokki (8-10. bekk). Tefldar voru 10 mínútna skákir. 

Í eldri flokki var tefld tvöföld umferð. Baráttan var mjög jöfn og eftir að þeir Eyþór Kári og Arnar Smári komu jafnir í mark, þurftu þeir að tefla til úrslita um meistaratitilinn. Þar réð dramatíkin ríkjum; í fyrri skákinni var Eyþór með unnið tafl, en pattaði andstæðinginn óvart! Þeir þurftu því að tefla aðra skák; þá sást Arnari yfir mát í einum leik(!),  missti tökin eftir það og tapaði. 

Í yngri flokki stóð baráttan milli þeirra Fannars Breka og Gabríels Freys, sem vann þennan flokk í fyrra. Skák þeirra í næstsíðustu umferð var alger úrslitaskák og þar hafði Fannar betur. 

Sigurvegararnir í báðum flokkum unnu sér rétt til að keppa á Íslandsmótinu í skólaskák sem fram fer 6-8. maí í Smáraskóla.  Þar sem Norðurland eystra á í þetta sinn rétt á tveimur sætum í eldri flokki, gefur annað sæti Arnars Smára honum einnig keppnisrétt á mótinu.

Úrslitin í heild sinni:

Eldri flokkur:

1. Eyþór Kári Ingólfsson, Stórutjarnaskóla 4+1,5

2. Arnar Smári Signýjarson, Giljaskóla     4+0,5

3. Tumi Snær Sigurðsson, Brekkuskóla       2+1

4. Kristján Davíð Björnsson, Stórutjarnaskóla 2+0

 

Yngri flokkur:

1. Fannar Breki Kárason, Glerárskóla      6

2. Garbíel Freyr Björnsson, Brekkuskóla   5

3-5. Kristján Smárason, Borgarhólsskóla, Marge Alavere, Stórutjarnaskóla og Ari Ingólfsson Stórutjarnaskóla 3

6. Árni Stefán Friðriksson, Dalvíkurskóla 1

7. Unnar Marinó Friðriksson, Dalvíkuskóla 0 

 

 

TM mótaröð 7

Á Sunnudag 17 apríl kl 13:00 verður 7.umferð TM mótaraðarinnar 

þar sem Jón Kristinn hefur nú tekið forystuna.

Bikarmótinu verður frestað um Óákveðinn tíma. Á fimmtudag mættu aðeins 4 skákmenn .

svo ekki var hægt að starta bikarkeppninni þá .

Úrslit 1 Jón Kristinn 6 vinninga 100 %

       2. Símon þórhallsson 3 vinninga

       3. Andri Freyr      1 1/2 vinning 

       4. Haraldur         1 1/2 vinning

líklegast er að síðan næsta fimmtudag 21 apríl verði Firmakeppninni haldið áfram.

Bikarmót S.A

Á morgun Fimmtudag hefst bikarmótið .

Tefldar verða atskákir 25 mínútur á mann og er þetta útsláttarfyrikomulag og fellur sá úr keppni sem tapar 3 skákum . gert er ráð fyrir að keppnin standi í 3 skipti .Þ er að teflt verði fimmtudag ,Sunnudag og aftur á fimmtudag ef þörf krefur.

Allir eru hvattir til að mæta og gott að æfa sig á þessum tímamörkum .

Ég held að Magnús Carlsen sé einnig heimsmeistari í atskák ef ég man rétt .

En hann sá sér ekki fært að mæta að þessu sinni.

Enn það er spurning hver verður meistari Akureyrar núna ?,.

.