Jón sigurvegari TM-mótaraðarinnar

Í kvöld var tefld 8. og síðasta umferð hinnar vinsælu TM-mótaraðar. 7 keppendur mættu til leiks og tefldu tvöfalda umferð, allir við alla. Er skemmst frá því að segja að Jón Kristinn Þorgeirsson varð langefstur og tryggði sér sigurinn í heildarkeppninni.

Röð keppenda í kvöld varð sem hér segir:

Jón Kristinn Þorgeirsson 10,5 vinningar

Sigurður Arnarson, Smári Ólafsson og Ólafur Kristjánsson 6,5 vinninga

Haraldur Haraldsson og Andri Freyr Björgvinsson 5 vinningar

Einar Garðar Hjaltason 2 vinningar.

 

Til að reikna út árangurinn í heildarkeppni ársins er lagður saman vinningafjöldi í 6 bestu umferðunum af þeim 8 sem tefldar voru á árinu. Jón Kristinn varð langt fyrir ofan næstu menn. Meiri spenna var um 2. og 3. sætið og nýttu Sigurður og Haraldur sér það að Áskell mætti ekki til leiks í kvöld og komust báðir upp fyrir hann.
19 keppendur tóku þátt í mótaröðinni í vetur.

 

 

 

Niðurstaðan varð sem hér segir:

Jón Kristinn Þorgeirsson         69,5 vinningar

Sigurður Arnarson                48,5 vinningar

Haraldur Haraldsson              47 vinningar

Áskell Örn Kárason               45,5 vinningar

Sigurður Eiríksson               33,5 vinningar

Símon Þórhallsson                26 vinningar

Smári Ólafsson                   21 vinningur

Karl Egill Steingrímsson         15 vinningar

Haki Jóhannesson                 14 vinningar

Sveinbjörn Sigurðsson            13 vinningar

Ólafur Kristjánsson              11 vinningar

Andri Freyr Björgvinsson         10 vinningar

Mikael Jóhann Karlsson           6 vinningar

Hreinn Hrafnsson                 3,5 vinningar

Gabríel Freyr Björnsson          3,5 vinningar

Fannar Breki Kárason             3 vinningar

Einar Garðar Hjaltason           2 vinningar

Benedikt Sigurðarson             0,5 vinningar

Arngrímur F. Alfreðsson          0 vinningar

 

 

TM mótaröð 8

Sælir félagar á fimmtudagskvöld kl 20:00 eða annað kvöld er síðasta TM mótaröðin.

og á annan í hvítasunnu Mánudaginn 16 mai er Coca cola mótið kl 20:00

ekkert verður því á hvítasunnudag . 

Jón bikarmeistari

Í kvöld réðust úrslitin í bikarmótinu. Keppnin fór þannig fram að dregið var um keppendur í hverri umferð og eftir þrjú töp féllu menn úr keppni.  Þrír keppendur voru eftir þegar sest var að taflborðinu í kvöld, þeir Andri Freyr Björgvinsson, Símon Þórhallsson og Jón Kristinn Þorgeirsson. Andri hafði tapað 2,5 vinningu, Símon 2 en Jón Kristinn var taplaus og sat yfir í fyrstu umferð kvöldsins. Viðureign Símonar og Andra var því keppni um hvor fengi að mæti Jóni í einvígi um titilinn. Svo fór í þeirri skák að Andri tefldi stíft til vinnings, enda dugði honum ekki jafntefli. Um tíma stóð hann mun betur en Símon náði gagnsókn sem auðveldlega gat leitt til þráteflis. Það gat Andri ekki sætt sig við og að lokum fór svo að hann tapaði.
Þá settust Símon og Jón að tafli. Símon stýrði hvítu mönnunum og upp kom Kóng-indversk vörn. Hart var barist en svo fór að lokum að Jón snéri á Símon og sigraði. Þar með féll Símon úr keppni og Jón stóð því uppi sem sigurvegari og það án þess að hafa tapað svo mikið sem hálfum vinningi.
Glæsilega gert hjá Jóni.