Jón Kristinn öruggur

Í kvöld hófst vin vinsæla Mótaröð. 12 keppendur mættu og tefldu hraðskák, allir við alla. Er óhætt að segja að þessi fyrsta lota lofi góðu um framhaldið.
Úrslit urðu þau að hinn sigursæli Jón Kristinn Þorgeirsson bar sigur úr bítum. Hann leyfði eitt jafntefli, gegn Sigurði Eiríkssyni, og vann rest.
Jöfn í 2. – 3. sæti voru Elsa María og Áskell Örn. Heildarúrslit má sjá hér að neðan.

Á sunnudag kl. 13 hefst Haustmót Skákfélags Akureyrar. 6 keppendur eru í A-flokki en öllum er heimil þátttaka í B-flokki.

 

Jón Kristinn Þorgeirsson	10,5
Elsa María Kristínardóttir	9
Áskell Örn Kárason	9
Sigurður Arnarson	8
Sigurður Eiríksson	6,5
Haki Jóhannesson	6
Hreinn Hrafnsson	4
Karl Egill Steingrímsson	3,5
Sveinbjörn Sigurðsson	3,5
Haraldur Haraldsson	3
Andri Freyr Björgvinsson	3
Hilmir Vilhjálmsson	0

Töfluröð haustmótsins

Teflt verður til um meistaratitil félagsins í A-úrslitum haustmótsins sem hefst næstkomandi sunnudag. Sex keppendur hafa unnið sér rétt til að tefla um þennan merka titil og er einn af þeim meistarinn frá í fyrra, Jón Kristinn Þorgeirsson. Ef næg þátttaka fæst verða B-útslit líka háð, en til þess þurfa a.m.k. fjórir keppendur að skrá sig. Þrír hafa þegar lýst yfir áhuga sínum og við vonumst eftir að fá a.m.k. einn til viðbótar fyrir sunnudaginn. 

Í kvöld var dregið um töfluröð í A-úrslitum og er hún þessi:

1. Elsa María Kristínardóttir

2. Jón Kristinn Þorgeirsson

3. Hreinn Hrafnsson

4. Sigurður Eiríksson

5. Andri Freyr Björgvinsson

6. Sigurður Arnarson

Í fyrstu umferð á sunnudaginn tefla því saman:

Elsa-SigurðurA

Jón Kristinn-Andri

Hreinn-SigurðurE

Önnur umferð verður svo tefld fimmtudaginn 22. september.

 

Íslandsmót Skákfélaga og fleira

Íslandsmót skákfélaga hefst þann 30. sept nk. (reyndar þjófstartar 1. deild kvöldið áður). Féglagið stefnir að því að senda fjórar sveitir til keppni - ef næg þátttaka fæst. Við auglýsum því enn eftir því að áhugasamir láti stjórnina vita, einfaldast er að senda póst á formanninn, [e-mail].

Við þurfum helst að hafa allt klárt 10 dögum fyrir mót, þ.e. 20. september.  Í þetta sinn er stefnt að því að senda unglingasveit til leiks í 4. deild.

Auk þess minnum við á að

mótaröðin hefst á morgun, fimmtudag kl. 20.,

bikarkeppni barna hefst á laugardaginn kl. 13 (allir velkomnir f. 2001 og yngri)

haustmótið á sunnudaginn kl. 13