Júlímót með tilbrigðum

Átta skákmenn mættu í Skákheimilið til þess að taka þátt í heimsmetstilraun FIDE í gær, þann 20. júlí. Skákmót var haldið með tilbrigðum þar sem sumir tefldu aðeins fleiri skákir en aðrir. Áskell Örn Kárason fékk flesta vinninga, eða sjö úr níu skákum; Símon Þórhallson fékk sex og hálfan.
Aðrir fengu minna en voru þó fullsæmdir að sínu. Mættir voru:
Anton Orri Jóhansson
Áskell Örn Kárason
Haraldur Haraldsson
Karl Egill Steingrímsson
Níels Ragnarsson
Nökkvi Már Valsson
Símon Þórhallsson
Stefán G. Jónsson
Sérstaka athygli vakti þátttaka tveggja félaga sem heimsóttu okkur úr fjarlægum landshluta, þeirra Haraldar og Níels. Megi þeir koma sem oftast!

Júlímótið þann 20. kl. 13. Breytt tímasetning.

Þar sem alþjóðlega skákdaginn ber upp á 20. júlí og blásið er til taflmennsku um víða veröld þennan dag, höfum við ákveðið að færa fyrirhugað sumarmót sem átti að vera nú á fimmtudaginn til laugardags. 
Sest verður að tafli kl. 13 laugardaginn 20. júlí. Allir velkomnir og það má mæta á stuttbuxum.

Áskell vann fyrsta sumarmótið

Átta keppendur mættu til leiks. Ánægjulegt að sjá að Dr. Ingimar Jónsson hefur engu gleymt. Hann er aðeins 77 árum eldri en yngsti keppandinn á mótinu, Nökkvi Már Valsson. 
Mótstaflan: 

		1	2	3	4	5	6	7	8	vinn
1	Áskell Örn Kárason		1	½	1	1	1	1	½	6
2	Ingimar Jónsson	0		½	1	1	1	1	1	5½
3	Markús Orri Óskarsson	½	½		1	0	1	1	1	5
4	Sigurður Eiríksson	0	0	0		1	1	1	1	4
5	Sigþór Árni Sigurgeirsson	0	0	1	0		0	1	1	3
6	Stefán G Jónsson	0	0	0	0	1		1	1	3
7	Angantýr Ásgrímsson	0	0	0	0	0	0		1	1
8	Nökkvi Már Valsson	½	0	0	0	0	0	0		½

Næsta mót skv. áætlun verður júlímótið, þann 18. júlí. Ef eitthvað verður gert fyrir þann tíma munum við auglýsa það sérstaklega.