Fyrsta umferð skákþingsins.

Skákþing Akureyrar hófst í gær, þann 14. janúar. Ellefu keppendur mættu til leiks. Útslit urðu sem hér segir:
Goði-Vjatsjeslav      1-0
Ýmir-Valur Darri      1-0
Damian-Markús         0-1
Eymundur-Kristian     1-0
Sigþór-Stefán         0-1
Sigurður tók yfirsetu 1/2

Önnur umferð fer fram sunnudaginn 21. janúar. Þá leiða þessir saman sína hesta:

Stefán og Goði
Markús og Eymundur
Sigurður og Ýmir
Vjatsjeslav og Sigþór
Kristian og Damian
Valur Darri tekur yfirsetu (1/2)

Endurbætur á húsnæði Skákfélagsins

Eins og félagsmenn og iðkendur hafa vafalaust tekið eftir, þá er Skákheimilið - þótt gott sé - ekki meðal íburðarmestu félagsheimila. Líklega er húsnæðið nú nákvæmlega eins og það var gert úr garði við byggingu Íþróttahallarinnar fyrir rúmum fjörutíu árum - nema það að att innanstokks er orðið eldra og lúnara. Félagið hefur um hríð kallað eftir því við húseigandann - Akureyrarbæ - að endurbætur verði gerðar á aðstöðu félagsins. Það erindi hefur fengið ágætis undirtektir, en framkvæmdir látið standa á sér. Nú gerist það með skömmum fyrirvara að verka- og iðnaðarmenn eru klárir í slaginn og okkur gert að rýma aðstöðuna hið fyrsta svo endurbætur geti hafist. Við þurfum því að flytja okkur um set og hugsanlega að breyta eitthvað dagskránni hjá okkur. Þetta þýðir eftirfarandi:

1. Barna- og unglingaæfingar halda áfram skv. auglýstri dagskrá, en frá fimmtudeginum 18. janúar, flytjast þær í Rósenborg. Við verðum á neðstu hæðinni, gengið inn að austan. Aðstaðan er að sönnu heldur lakari en í Skákheimilinu, en við sættum okkur við að þetta er tímabundið ástand; a.m.k. standa vonir til þess að við getum flutt aftur í nýtt og glæsilegt Skákheimili eftir páska. 

2. Mótahald er í töluverðri óvissu eins og er. Við hittumst í Skákheimilinu á morgun, 11. janúar og höldum okkur við upphafsumferð Skákþings Akureyrar (meira um það seinna), sunnudaginn 14. janúar, en skoðum eftir það vel og vandlega hvernig öllu verður sem best fyrir komið. Það er ekki óhugsandi að dagskrá SÞA breytist (umferðum seinki), en sú ákvörðun hefur ekki enn verið tekin. Barnamót sem áformað var laugardaginn 20. janúar getur vonandi farið fram, en það verður staðfest fljótlega eftir næstu helgi.

Þetta mun vissulega hafa ýmis óþægindi í för með sér og við höfðum til sveigjanleika og þolinmæði allra iðkenda okkar. Að lokum fáum við umbun erfiðisins með nýju og nútímalegu Skákheimili. Þá verður nú gaman að vera til. 

Skákþing Akureyrar hefst 14. janúar nk.

87. Skákþing Akureyrar

hefst sunnudaginn 14. janúar kl. 13.00.

Teflt verður í Skákheimilinu í Íþróttahöllinni við Skólastíg.

 

Fyrirkomulag: Tefldar verða sjö umferðir skv. svissnesku kerfi.  Leyfðar eru tvær yfirsetur í mótinu, þó ekki í lokaumferðinni.

Sigurvegarinn mun hljóta sæmdarheitið „Skákmeistari Akureyrar 2024“.  

Mótið er öllum opið, bæði ungum sem gömlum.

Umhugsunartími verður 90 mínútur á skákina, auk þess sem 30 sekúndur bætast við tímann fyrir hvern leik (90+30).   

Þátttökugjald er kr. 4.000 fyrir skuldlausa félagsmenn, kr. 5.000 fyrir aðra. Þátttaka er ókeypis fyrir þá unglinga sem greitt hafa æfingagjald. 

Mótið verður reiknað til alþjóðlegra skákstiga.

Skráning er í netfangið [e-mail] eða á facebook síðu Skákfélags Akureyrar. Einnig er hægt að skrá sig á skákstað eigi síðar en 15 mínútum fyrir upphaf fyrstu umferðar.

 

Dagskrá í verður sem hér segir: (ath. að fjöldi umferða er óviss þar til lokaskráning liggur fyrir.)

1. umferð sunnudaginn  janúar    kl. 13.00     
2. umferð fimmtudaginn janúar   kl. 18.00
3. umferð sunnudaginn janúar    kl. 13.00     
4. umferð fimmtudaginn janúar   kl. 18.00
5. umferð sunnudaginn 28 .janúar   13.00     
6. umferð fimmtudaginn 1 .febrúar    18.00
7. umferð sunnudaginn febrúar   kl. 13.00

 

Fyrivari um fyrirkomulag: Þegar fjöldi keppenda liggur fyrir getur mótsstjóri gert minniháttar breytingar á dagskrá og fyrirkomulagi til að auðvelda framkvæmd mótsins.

Þátttaka í mótinu er öllum heimil en Skákmeistari Akureyrar getur aðeins sá orðið sem er búsettur á Akureyri og/eða er fullgildur félagi í Skákfélagi Akureyrar. 

 

Núverandi Skákmeistari Akureyrar er Rúnar Sigurpálsson.