Íslandsmót ungmenna; prýðisárangur okkar iðkenda.

Íslandsmót ungmenna var haldið í Miðgarði Garðabæ nú sl. helgi. Teflt var um meistaratitla stráka og stelpna í fimm aldursflokkum, u8, u10, u12, u14 og u16. Metþátttaka var héðan að norðan, teflt í öllum flokkum nema þeim yngsta. Árangur okkar fólks var ýmist framúrskarandi, góður eða vel viðunandi. 
Mesta athygli vakti árangur tveggja af nýliðunum; Nökkvi Már varð þriðji í u10 flokknum
og Harpa önnur í u12 flokki telpna. Bæði að tefla sínu fyrsta móti af þessu tagi og stimpla sig inn í hóp öflugustu skákbarna í sínum aldursflokkum. Þá fengu Sigþór og Markús brons í sínum flokkum (u14 og u16) en þeir eru báðir margreyndir á þessu sviði og var árangur þeirra eftir væntingum - reyndar var Markús augljóslega í færum að vinna sinn flokk. Aðrir keppendur söfnuðu í reynslubankann og stóðu sig með prýði. Viacheslav og Valur Darri voru lengst af í toppbaráttu í u12 flokknum og höfnuðu rétt fyrir ofan miðju. Þeir geta báður bætt sig en þurfa ekki að skammast sín fyrir þennan árangur. Skírnir hafði á brattan að sækja en komst frá mótinu með fullri sæmd. Hann er á yngra ári í u10 flokknum og getur bætt árangur sinn að ári. Kristian var að tefla á sínu fyrsta móti af þessu tagi og átti erfitt uppdráttar, enda oft við mjög sjóaða andstæðinga að ræða. En hann getur bætt sig mikið með áframhaldandi ástundun.   

Markús vann 10 mín. mótið

Bryddað var upp á gamalli "nýjung" hjá okkur í dag; mót með 10 mínútna umhugsunartíma sem eitt sinn tíðkuðust en hafa verið fá að undanförnu. Enginn viðbótartími eins og nú tíðkast oft, bara klára skákina á 10 mínútum. 
Þátttaka var góð að þessu sinni, alls 12 keppendur. Markús Orri tók snemma forystuna og hélt henni til loka. Hér er heildarstaðan:

röð nafn vinn
1 Markús 5
2 Ingimar J 4
  Áskell 4
  Sigurður E 4
5 Tobías 3½
  Sigþór 3½
7 Stefán G 3
  Ýmir 3
  Nökkvi 3
10 Kristian 1½
   Baltasar 1½
12 Guðmundur Geir 0

Það voru sumsé tefldar sex umferðir. 
Skemmitlegt mó og ekki útilokað að við endurtökum leikinn bráðlega.

Næsta mót sunnudaginn 20. okt.

Fremur rólegt verður á skáksviðinu hér í bæ á næstunni og munu annir og fjarvistir umsjónarmanna ráða þar nokkru. 
Við efnum þó til 10 mín. móts nú á sunnudaginn. Byrjum kl. 13.
Svo er von á mótaáætlun fyrir síðari hluta haustmisseris á næstu dögum.