Rúnar hraðskákmeistari

FM Rúnar Sigurpálsson var sigur á Hausthraðskákmótinu sem fram fór sl. sunnudag. Hann er því hraðskákmeistari félagsins árið 2021. 
Sigur Rúnars var nokkuð öruggur, en baráttan um næstu sæti var jöfn og tvísýn, eins og mótstaflan ber með sér. 

Í unglingaflokki sigraði Markús Orri Óskarsson örugglega.

röð		Nafn	stig	1	2	3	4	5	6	7	8	vinn
1	FM	Rúnar Sigurpálsson	2295	***	1 0	½ 1	1 1	1 1	1 1	1 1	1 1	12,5
2		Sigurður Eiríksson	1853	0 1	***	1 ½	1 ½	0 1	1 1	1 1	1 1	11
3		Andri Freyr Björgvinsson	2142	½ 0	0 ½	***	½ 1	1 1	1 1	1 1	1 1	10,5
4		Elsa María Kristínardóttir	1967	0 0	0 ½	½ 0	***	1 1	1 1	1 1	1 1	9
5		Markús Orri Óskarsson	1345	0 0	1 0	0 0	0 0	***	0 1	1 ½	1 1	5,5
6		Hilmir Vilhjálmsson	1214	0 0	0 0	0 0	0 0	1 0	***	0 1	1 1	4
7		Sævar Max Árnason		0 0	0 0	0 0	0 0	0 ½	1 0	***	1 1	3,5
8		Alexía Lív Hilmisdóttir		0 0	0 0	0 0	0 0	0 0	0 0	0 0	***	0

 

Á döfinni

Hraðskáksyrpan á fimmtudagskvöldum er í fullum gangi; önnur lota var tefld í gærkveldi. Úrslit:

Elsa María Kristðínardóttir     8.5

Áskell Örn Kárason              7,5

Sigurður Eiríksson              7

Stefán G. Jónsson               4

Markús Orri Óskarsson           3

Hilmir Vilhjálmsson             0

Stig eftir tvær lotur: Elsa og Áskell 7, Sigurður 4, Stefán og Hilmir 2, Markús og Arnar Smári 1.

Næsti taflfundur verður HAUSTHRAÐSKÁKMÓTIÐ á sunnudag og hefst kl. 13. Þar verður teflt ummeistartitil félagsins í hraðskák, í opnum flokki og yngri flokki (f. 2005 og síðar).
Öllum heimil þátttaka meðan húsrúm leyfir. 

 

 

Úrslit haustmóts

Lokaumferð Haustmóts SA var tefld í gær, 7. október.

Úrslit:

Brimir-Andri       0-1

Tobias-Arnar Smári 0-1

Elsa-Hreinn        1-0

Hilmir-Markús      0-1

Jökull Máni-Alexía 1-0

Emil-Sigþór        0-1 (án taflmennsku)

Þegar fyrir lokaumferðina lá sigur Andra Freys fyrir og er hann því skákmeistari félagsins þriðja árið í röð, í þetta sinn með fullu húsi vinninga. Arnar Smári hreppti annað sætið nokkuð óvænt og hlýtur þetta að vera besti árangur hans til þessa og greinilegt að hann er að eflast mjög sem skákmaður. Elsa María náði aðeins þriðja sæti, þrátt fyrir að vinna allar skákir sem hún tefldi, fyrir utan úrslitaskákina við Andra. Hún neyddist til að gefa eina skák vegna veikinda og tók auk þess yfirsetu í einni umferð, en vann fjórar skákir af þeim fimm sem hún tefldi.
Baráttan um sigurinn í yngri flokki stóð fyrst og fremst milli þeirra Tobiasar og Markúsar Orra. Þeir gerðu jafntefli sín á milli og Tobias hafði lengst af örlítið forskot í þessari keppni þeirra félaganna. Markús skaust svo framfyrir hann í lokaumferðinni. Tobias lenti því í öðru sæti, en þeir Brimir, Jökull Máni og Sigþór urðu jafnir í þriðja sæti í yngri flokki.
Sjá nánar á chess-results.