Keppnisferð suður.

miðvikudagur 25.nóv.09

Fyrir ári síðan.

Keppnisferð á Íslandsmót unglinga í Garðabæ á laugardaginn. Farið með rútu frá Íþróttahöllinni kl.16.30 föstudag 27. nóvember.

Gjald fyrir hvern keppenda er kr. 5000.-    

 Myndin hér til hliðar er tekinn fyrir ári síðan, en þá var Gylfi Þórhallsson og Ulker Gasanova nánast af vitni á fjögra bíla árekstri á gatnamótum Kringlumýrarbrautar og Borgartúns, en 30 - 40 sekundum áður voru þau á gatnamótunum og voru að leggja bíl sínum á bílastæði rétt hjá þegar þau heyrðu mikinn hávaða. Sem betur fór slasaðist enginn, en einn eða tveir fengu sjokk og voru flutt á sjúkrahús.

Akureyrarmót í atskák 2009.

sunnudagur 22.nóv.09

Smári Ólafsson, Sigurður Arnarson og Sigurður Eiríksson.

Sigurður Arnarson varð Akureyrarmeistari í atskák 2009, þegar hann vann öruggan sigur á mótinu, hlaut 6 vinninga af 7. Annar var Sigurður Eiríksson með 5 v. Í þriðja sæti varð Smári Ólafsson með

4,5 vinning.  Lokastaðan:

		vinningar
1.	Sigurður Arnarson	6
2.	Sigurður Eiríksson	5
3.	Smári Ólafsson	4,5
4.	Gylfi Þórhallsson	4,5
5.	Þór Valtýsson	4
6.	Tómas Veigar Sigurðarson	3,5
7.	Atli Benediktsson	3,5
8.	Jón Kristinn Þorgeirsson	3,5
9.	Hjörleifur Halldórsson	3,5
10.	Karl Steingrímss/Jón Magnúss.	3
11.	Hjörtur Snær Jónsson	3
12.	Bragi Pálmason	2,5
13.	Andri Freyr Björgvinsson	2,5
14.	Haukur Jónsson	2,5
15.	Hersteinn Heiðarsson	2
16.	Logi Rúnar Jónsson	0,5

Næsta mót er 15. mínútna mót á föstudagskvöld 4. desember og hefst kl. 20.00. (Ath. breyting, átti að vera 6. des.)

HM ungmenna 2009. 11. umferð.

sunnudagur 22.nóv.09

Mikael Jóhann Karlsson

Mikael gerði jafntefli í lokaumferðinni á HM í Antalya í Tyrklandi í dag, og fékk

4 vinninga af 11. og hafnaði í 115 sæti af 138. En fyrir mótið var hann í 108 sæti miðað við stig. Það var erfitt fyrir Mikael að landa vinningi gegn Sehitogullari Halil (0) frá Tyrklandi, þessi Tyrki gerði sex jafntefli úr síðustu sjö umferðunum. Frammistaða Mikaels er vel viðunnandi, en þetta var eitt stærsta mót hans og við gjörólikar aðstæður sem hann hefur kynnst. Með smá heppni hefði hann náð betri árangri, en í minnsta kosti í tveim skákum var Mikael með unnið tafl, sem hann tapaði. En hann má vel við una og verður miklu reynsluríkari eftir þetta mót.  Heimsmeistari í flokki 14 ára og yngri var Cori Jorge (2462) alþjóðlegurmeistari frá Perú og fékk 9 vinninga, og Evrópumeistarinn Dragun Kamil (2284) frá Póllandi varð annar með 8,5 vinning.