Heimsmeistaramót ungmenna 2009

miðvikudagur 11.nóv.09

Mikael Jóhann Karlsson

Heimsmeistaramót ungmenna hefst á morgunn í Tyrklandi. Mikael Jóhann Karlsson frá Akureyri keppir í flokki 14 ára og yngri, en fjögur ungmenni frá

 Íslandi keppa á mótinu, auk Mikaels eru Tinna Finnbogadóttir úr Borgarfirði, keppir í flokki stúlkna 18 ára og yngri. Bjarni Jens Kristinsson frá Austurlandi keppir í flokki 18 ára og yngri og Kristófer Gautason frá Vestmanneyjum keppir í flokki 12 ára og yngri. Þjálfari og farastjóri unglinganna er Helgi Ólafsson stórmeistari frá Vestmanneyjum, einnig verður með í för Karl Gauti Hjaltason formaður Taflfélags Vestmanneyja og faðir Kristófer. Í flokki Mikaels eru skráðir  140 keppendur og stigahæstur í flokknum er Nijat Abasov 2525 stig alþjóðlegur meistari frá Azerbaijan (hann er hættur við að vera með.) og landi hans Ulvi Bajarnj (2392). Aðrir stigaháir í flokknum eru m.a. Jorge Moises Cori Tello (2445) frá Perú, Kiprian Berbatov (2457) frá Búlgaríu,  Bok Benjamin (2351) frá Hollandi og Mads Andersen (2338) frá Danmörku.   Mikael er með 1703 alþjóðleg stig. Alls verða tefldar 11 umferðir og mótinu lýkur 22. nóvember. Skákfélag Akureyrar óskar Mikael og Íslensku keppendunum góðs gengis og velfarnaðar.

Heimasíða mótsins er hér fyrir ofan undir tenglar. HM ungmenna 2009.