Jakob og Hjörleifur efstir á skákþinginu

Fjóðra umferð Skákþings Akureyrar fór fram á miðvikudagskvöldið. Einni skák var frestað en í þeim þremur sem tefldar voru gerðu Jakob Sævar og Jón Kristinn jafntefli, Hjörleifur vann Símon og Smári lagði Andra að velli í langri skák.

Eftir þessi úrslit eru þeir Jakob og Hjörleifur nú efstir með 3,5 vinning eftir fjórar skákir, Smári er þriðji með 3 vinninga og Jón Kristinn hefur 2,5. Líklega munu þessir fjórir berjast sín á milli um sigurinn á mótinu í þremur síðustu umferðunum.  Af hinum keppendunum hefur Andri Freyr 1,5 vinning, Símin 1 og feðgarnir Jón og Hjörtur eru enn án vinninga en eiga ólokið skák sinni úr fjórðu umferð.

Fimmta umferð mótsins verður tefld nk. sunnudag 5. febrúar. Þá leiða saman hesta sína Hjörleifur og Smári, Andri og Jakob, Jón Kristinn og Hjörtur, Jón M og Símon.

Opið hús

Í kvöld verður opið hús hjá Skákfélaginu. Upplagt að hittast og ræða málin yfir einni bröndóttri eða skoða einhverja snilld á skjánum.

Skákþing Akureyrar:

Jakob Sævar efstur eftir þrjár umferðir

Þegar þremur umferðum er lokið á Skákþingi Akureyrar, hinu 75. í röðinni, hefur Siglfirðingurinn Jakob Sævar Sigurðsson unnið allar skákir sínar og tekið forystu í mótinu. Hjörleifur Halldórsson kemur á hæla honum með 2,5 vinning og aðrir í humátt þar á eftir. Úrslit í umferðunum þremur sem hér segir:

1. umferð:

Jakob Sævar-Símon Þórhallsson                                   1-0

Hjörtur Snær Jónsson-Smári Ólafsson                           0-1

Jón Magnússon-Hjörleifur Halldórsson                          0-1

Jón Kristinn Þorgeirsson-Andri Freyr Björgvinsson       1-0

 

2. umferð:

Jakob Sævar-Hjörtur                1-0

Smári-Jón M                            1-0

Hjörleifur-Jón Kristinn              1-0

Símon-Andri Freyr                   0-1

 

3. umferð:

Jón M-Jakob Sævar                 0-1

Hjörtur-Símon                          0-1

Andri Freyr-Hjörleifur            ½-½

Jón Kristinn-Smári                    1-0

 

Staðan:

Jakob Sævar                3

Hjörleifur                      2½

Jón Kristinn og Smári    2

Andri Freyr                  1½

Símon                           1

Hjörtur og Jón M          0

 

Fjórða umferð verður tefld miðvikudaginn 1. febrúar kl. 19.30

Þá leiða saman hesta sína:

Jakob-Jón Kristinn

Símon-Hjörleifur

Smári-Andri Freyr

Hjörtur-Jón M