Tómas vann í TM-mótaröðinni

Fjórða mótið í TM-mótaröðinni var teflt í gærkvöldi. Hart var barist að venju og úrslit sem hér segir:

 

1	Tómas V Sigurðarson	10
2-3	Sigurður Eiríksson	9
	Smári Ólafsson	9
4	Jón Kristinn Þorgeirsson	8
5	Sveinbjörn Sigurðsson	5½
6-8	Andri Freyr Björgvinsson	5
	Atli Benediktsson	5
	Haki Jóhannesson	5
9	Ari Friðfinnsson	4
10	Karl E Steingrímsson	3
11	Hreinn Hrafnsson	2
12	Bragi Pálmason	½

Með sigrinum komst Tómas upp að hlið Jóns Kristins og eru þeir tveir nú langefstir í heildarkeppninni þegar fjórum mótum er lokið af átta. Þeir hafa báðir nælt sér í 35 stig en næsti maður er ekki langt undan;  Sigurður Eiríksson með 31 stig. Haki Jóhannesson er fjórði 21 stig og spurning hvort Sigurður er að stinga hann af í baráttunni um bronsverðlaunin í röðinni. Er barátta þeirra um þau verðlaun í mótaröðinni sl. haust enn í minnum höfð. Næstur kemur Sigurður Arnarson lúpínuvinur og hefur 18,5 stig, en Smári Ólafsson kemur á hæla honum með 18. Aðrir hafa minna en gætu bætt sig í næstu mótum, einkum Sveinbjörn Sigurðsson, sem nú tók þátt í sínu fyrsta móti í langan tíma og sýndi að hann hefur engu gleymt.

15 mínútna mót er fyrirhugað nk. sunnudag og hefst kl. 13.

TM-mótaröðin í kvöld

Fjórða mótið í TM-mótaröðinni verður háð í kvöld og hefst taflmennskan kl. 20. Eftir þrjú mót skipa tvö forystusætin þeir Jón Kristinn Finnlandsfari með 27 stig og hefur tveimur meira en Tómas Veigar Sigurðarson. Í humátt á eftir þeim koma svo Sigurður Eiríksson með 22 stig, nafni hans Arnarson með 18,5 stig, Áskell Örn Kárason og Haki Jóhannesson hafa 16 og Sigurður Eiríksson 15. Eru þá margir snillingar ónefndir.

Í kvöld gefst mönnum sumsé færi á auka orðstír sinn og bæta við sig TM-stigum. 

Áskell hraðskákmeistari Akureyrar

Í dag var háð hraðskákmót Akureyrar, að viðstöddu fjölmenni. Ellefu keppendur öttu kappi um titilinn og var hart barist. Áskell byrjaði best en eftir tap hans fyrir Smára í næstsíðustu umferð náði fráfarandi meistari, Rúnar Sigurpálsson, hálfs vinnings forskoti. Þeir tveir áttust svo við í lokaumferðinni og náði Ketillinn að kreista fram vinning í spennandi skák. Átti hann um 5 sekúndur eftir á klukkunni þegar andstæðingur hans féll. Úrslitin í heild sinni svona:

1	Áskell Örn Kárason	9
2	Rúnar Sigurpálsson	8½
3-5	Smári Ólafsson	7
3-5	Ólafur Kristjánsson	7
3-5	Andri Freyr Björgvinsson	7
6	Haki Jóhannesson	5
7	Sigurður Eiríksson	4½
8	Tómas V Sigurðarson	3
9	Atli Benediktsson	2½
10	Sveinbjörn Sigurðsson	1½
11	Símon Þórhallsson	0