15 mínútna mót

Sunnudaginn 11. mars verður haldið 15 mínútna mót í salarkynnum Skákfélags Akureyrar. Mótið hefst kl. 13.00 og er öllum heimil þátttaka gegn vægu gjaldi.

Laugardagsmótaröðin

Á laugardögum í vetur hefur Skákfélagið staðið fyrir skákmótum fyrir börn og unglinga. Í hverju móti fá keppendur stig og safna þeim yfir veturinn. Í dag var fremur fámennt þar sem aðeins 4 skákmenn mættu. Þeir tefldu tvöfalda umferð og fór svo að Jón Kristinn hafði sigur, Símon varð í öðru sæti, Logi í því þriðja og Oliver rak lestina enda yngstur keppenda. Jón Kristinn hefur nokkuð örugga forystu en hart er barist um annað sætið. Í dag náði Símon að hreppa það frá Loga en Andri Freyr er skammt undan. Hann komst ekki í dag þar sem hann tekur þátt í N1 Reykjavíkurmótinu.

Heildarstaðan er nú þessi:

Jón Kristinn 60 stig
Símon 43 stig
Logi 42,5 stig
Andri 32 stig
Oliver 23 stig
Gauti Páll 8 stig
Hjörtur 5,5 stig
Ægir 4 stig
Friðrik 3 stig

Þrír vinningar í hús af fjórum mögulegum

4. umferð N1 Reykjavíkurskákmótsins fór fram í dag. Hún hófst fyrr en fyrstu þrjár umferðirnar og virðist það hafa farið fram hjá sumum keppendanna. Þeir mættu of seint til leiks og uppgötvuðu að skákirnar höfðu tapast.  Ungu mennirnir Mikael og Andri mættu báðir töluvert stigahærri andstæðingum og unnu!

Stefán Bergsson mætti í dag alþjóðlega meistaranum Guðmundi Kjartanssyni og lauk skákinni með sigri Guðmundar. Hann er annar alþjóðameistarinn sem Stefán mætir í mótinu en titillausu mennina hefur hann unnið og er nú með tvo vinninga af fjórum mögulegum.

Mikael Jóhann atti kappi við Stefán Sigurjónsson og er hann þriðji skákmaðurinn með yfir 2000 elóstig sem Mikki mætir í mótinu. Þetta var lengsta skák okkar manna í dag og tókst Mikka að knýja fram sigur og er nú með 2 vinninga.

Andri Freyr Björgvinsson fékkst við danskan skákmann að nafni Jes West Knudsen. Daninn er með 1913 alþjóðleg skákstig og er stigalægsti skákmaðurinn sem Andri hefur mætt í mótinu. Andri stýrði hvítu mönnunum og Knudsen beitti hollenskri vörn. Andri þjarmaði að Dananum jafnt og þétt og uppskar sigur í 25 leikjum eftir laglega skák. Þá lék Daninn af sér í gjörtapaðri stöðu og gafst upp. Þetta er vel að verki staðið hjá Andra sem hefur grætt 34,5 elóstig í mótinu og er með 1,5 vinninga.
Óskar Long átti að tefla við Leif Þorsteinsson en Leifur var einn af þeim sem lét áttaði sig ekki á að skákir dagsins hófust fyrr en vanalega og mætti ekki til leiks. Því fékk Óskar sinn fyrsta vinning í dag án taflmennsku.

Þegar þetta er skrifað er ekki ljóst hvaða andstæðinga okkar menn fá í 5. umferð en hér að neðan má sjá árangur okkar manna.

Stefán:

Rd.    Bo.    SNo        Name                                  Rtg    FED       Pts.    Res.
1    84    183          Bjorgvinsson Andri Freyr    1544      ISL      1.5     s 1
2    31    34    IM    Gunnarsson Jon Viktor        2424     ISL      2.5    w 0
3    59    143          Mozelius Peter                    1882     SWE    1.0     s 1
4    30    46    IM    Kjartansson Gudmundur      2357    ISL      3.0    w 0

Mikael
Rd.    Bo.    SNo        Name                                 Rtg        FED    Pts.    Res.
1    42    42    WGM    L'ami Alina                         2372    ROU    3.0    s 0
2    90    191              Smith Chris P                    1370     ENG    0.0    w 1
3    56    80                Loftsson Hrafn                  2202     ISL      2.0    s 0
4    61    98                Sigurjonsson Stefan Th    2117     ISL      1.0    w 1

Andri
Rd.    Bo.    SNo        Name                           Rtg      FED    Pts.    Res.
1    84    85              Bergsson Stefan          2171    ISL      2.0    w 0
2    85    136            Thjomoe Hans Richard 1926    NOR    1.5    s ½
3    76    130            Johannsson Orn Leo    1939    ISL     1.5    w 0
4    86    137            Knudsen Jes West       1913    DEN    0.5    w 1

Óskar

 Rd.    Bo.    SNo        Name                           Rtg    FED    Pts.    Res.
1    77    79    WFM    Dave Dhyani                2205    IND   2.0    w 0
2    78    127             Saemundsson Bjarni    1947    ISL    2.0    s 0
3    87    154             Antonsson Atli              1849    ISL    2.0    w 0
4    94    194             Thorsteinsson Leifur    1247    ISL    0.0    s 1K