Teflt í firmakeppninni í kvöld

Í kvöld, fimmtudag kl. 20 verður teflt í firmakeppni SA. Engin borðgjöld og allir velkomnir.

Að venju verður svo unglingamót á laugardaginn kl. 13 og einnig mót á sunnudag á sama tíma. Það veður auglýst betur síðar.

Sigurður páskameistari SA

Hart var barist á páskahráðskákmóti SA í dag. Mættur var m.a. Stefán Bergsson Grænlandsfari, angandi af selspiki. Stefán lagði helstu mektarmenn að velli á mótinu, en tapaði fyrir unglingunum Jóni Kristni, Símoni og Sveinbirni og missti þá SigurðA og Áskel naumlega fram úr sér í lokin. Þeir félagar stóðu jafnir að 13 umferðum loknum og tefldu til úrslita. Eftir tvær skákir voru þeir enn jafnir og var þá gripið til bráðabana. Áskell kaus að verja svörtu stöðuna með mínútu meira á klukkunni. Sigurður beitti drottningu sinni ótæpilega í upphafi tafls. Þegar hann svo lék 17. Dg8xe6+ í 17. leik var Sigur(ðurinn) tryggður. Þessir fengu annars flesta vinninga:

Sigurður Arnarson	10
Áskell Örn Kárason	10
Jón Kristinn Þorgeirsson	9
Stefán Bergsson	9
Haki Jóhannesson	6½
Tómas V Sigurðarson	6
Smári Ólafsson	5½
Atli Benediktsson	5½
Símon Þórhallsson	5
Sveinbjörn Sigurðsson	5

Aðrir fengu minna. Næst verður barist nk. fimmtudagskvöld þegar teflt er í firmakeppninni góðkunnu. Allir eru velkomnir á það mót og þátttaka ókeypis.

Skákæfing

Á  morgun, föstudaginn langa, verður létt æfing fyrir þá sem vilja kl. 13.00. Athugið breyttan tíma frá áður auglýstri dagskrá. Tefldar verða hraðskákir.