Öðlingamót í Vatnsdal

Í dag lauk öðlingakeppni milli Reykvíkinga og Akureyringa. Eins og í fyrra mættust keppendur á miðri leið því keppt var í Flóðvangi í Vatnsdal. Keppt var á 11 borðum bæði hraðskákir og atskákir. Í gær fór atskákskeppnin fram og höfðu keppendur 15 mínútur til umhugsunar á hverja skák og keppt var í 2 riðlum. Sex keppendur voru í a-riðli og 5 í b-riðli. Leikar fóru svo í a-riðli að Reykvíkingar unnu með 38 vinningum gegn 28. Í a-riðli endaði viðureignin 20½ gegn15½ og í b-riðli 17½ gegn 12½ . Í dag var síðan keppt í hraðskák með bændaglímufyrirkomulagi. Allir Akureyringarnir tefldu við alla Reykvíkingana með 5 mín. umhugsunartíma á skák. Leikar fóru svo að Skákfélagsmenn sigruðu með 62 vinningum gegn 59. Bæði lið gátu því borið höfuðið hátt eftir mótið sem fór í alla staði vel fram.

15 mínútna mótið sem auglýst er í dag kl. 13 fellur niður

15 mínútna mótið sem auglýst er í dag kl. 13 fellur niður

Landsmótið í skólaskák:

Jón Kristinn  langefstur í yngri flokki!

Þegar tveimur umferðum er ólokið á landsmótinu í skólaskák er Jón Kristinn Þorgeirsson langefstur í yngri flokki, hefur unnið allar skákir sínar, 9 að tölu. Enginn getur lengur náð Jóni að vinningum og því ljóst að hann vinnur meistaratitilinn annað árið í röð. Þá á félagi Símon Þórhallsson góða möguleika á verðlaunasæti, er sem stendur í 2-3. sæti með 6,5 vinning. Tinna Ósk Rúnarsdóttir hefur 1 vinning í yngri flokki. Í eldri flokki hefur Dagur Kjartansson úr Reykjavík forystu en Andri Freyr Björgvinsson, sem um hríð var meðal efstu manna, hefur nú tapað tveimur skákum í röð og er í miðjum hópi keppenda.

10 og næstsíðsta umferð stendyr nú yfir, en lokaumferpin hefst kl. 11 í dag. Fylgjast má með úrslitunum hér.