Aðalfundi frestað

Aðalfundi félagsins sem skv. drögum að mótaáætlun var sagður eiga að vera á morgun, 16. september, hefur verið frestað. Fundurinn verður síðar í mánuðinum og ný dagsetning tilkynnt hér á heimasíðunni á næstunni.

Mótaröðin

Í kvöld fór fram fyrsta umferð vetrarvertíðarinnar í hinni geysivinsælu Mótaröð SA þar sem vinningum er safnað á hraðskákmótum í vetur. Sá sigrar sem hlýtur flesta vinninga samanlagt en lakasta árangri hvers og eins verður sleppt. Það merkir að mæti keppandi á öll mótin nema eitt á hann sömu möguleika og sá sem mætir á öll mótin. Sigurvegarinn verður krýndur um næstu áramót. Í kvöld öttu kappi 12 keppendur á öllum aldri og munaði 56 árum á keppendunum í 1. og 2. sæti. Allir tefldu 5 mínútna hraðskák við alla.

Jón Kristinn mætti veikur til leiks og vann allar sínar skákir nema eina. Verður hann eflaust erfiður viðureignar í vetur þegar hann teflir fullfrískur fyrst taflmennskan er svona hjá honum veikum.

Lokastaðan varð eftirfarandi:

Jón Kristinn Þorgeirsson 10 vinningar af 11

Ólafur Kristjánsson 8,5 vinningar

Sigurður Arnarson 8 vinningar

Sigurður Eiríksson og Tómas Veigar Sigurðarson 6 vinningr

Smári Ólafsson og Rúnar Ísleifsson 5,5 vinningar

Haki Jóhannesson 4,5 vinningar

Einar Garðar Hjaltason 3,5 vinningar

Karl Steingrímsson og Símon Þórhallsson 3 vinninga

Sveinbjörn Sigurðsson 2,5 vinningar.

Tómas sigraði á 15 mín. móti

Nýbakaður Skákfélagi Tómas Veigar Sigurðarson bar sigur úr býtum á 15 mínútna móti í dag. Sjö ofurkappar mættu til leiks og luku mótinu á þess að gera einn einasta jafntefli.  Tóms varð hlutskarpastur, vann allar skákir sínar nema eina og hlaut 5 vinninga. Sigurður Arnarson og Áskell Örn Kárason komu næstir með 4 vinninga, Sveinbjörn Ofurkappi Sigurðsson og Sigurður Einherji Eiríksson hrepptu 3 vinninga og tveir aðrir nýbakaðir Skákfélagar, Einarar G. Hjaltason og Guðmundsson ráku lestina með 1 vinning hvort. Telfdi þeir allir vel og frækilega að dómi viðstaddra.

Næst á dagskrá er fyrsta mót íröðinni góðu og verður háð á fimmtudagskvöld kl. 20.