Skylduleikjamót

Á morgun, sunnudag kl. 13, verður skylduleikjamót með umhugsunartímanum 5 mín + 3 sek á leik, háð  í skákheimilinu. Þemað að þessu sinni verður „hraðskákir heimsmeistara“, en áherzla verður lögð á hraðskákir Tigran Petrosian sem var þekktur fyrir allt annað en að tefla hratt.

 

Petrosian var heimsmeistari á árunum 1963-69, en þá tapaði hann einvígi fyrir Boris Spassky.  Hugsanlega verður farið lauslega yfir feril Petrosian, en hann var m.a. þekktur fyrir að vera heyrnarlaus götusópari og bezti vinur Korchoi. 

Skrár tengdar þessari bloggfærslu:

• skylduleikjamot.docx

Tómas Veigar Atskákmeistari Akureyrar

Síðari hluti akureyrarmótsins í atskák var fór fram í kvöld að viðstöddu fjölmenni.

Fyrir seinni hlutann voru Áskell Örn og Tómas Veigar efstir og jafnir með fullt hús. Þeir félagar mættust í fimmtu umferð og fóru leikar þannig að Tómasi tókst að vinna skákina nokkuð örugglega og var því einn efstur. Forskotið var ekki látið af hendi, enda sigraði Tómas lokaumferðunum tveim og þar með á mótinu.

 

Sigurinn var mjög öruggur, enda lagði hann alla andstæðinga sína og var með fullt hús, eða sjö vinninga af sjö mögulegum. Tómas er augljóslega í góðu formi þessi misserin, en hann situr nú á þrem meistaratittlum; Skákmeistari SA, Atskákmeistari Akureyrar og Bikarmeistari SA tvö ár í röð.

Áskell Örn Kárason endaði í öðru sæti með sex vinninga af sjö og Hjörleifur „húsvörður“ Halldórsson var þriðji með 3,5 vinninga.

 Lokastaðan

1.       Tómas Veigar Sigurðarson          7 af 7

2.       Áskell Örn Kárason                        6

3.       Hjörleifur Halldórsson                  3,5

4.       Sigurður Arnarson                          3

5.       – 7. Símon Þórhallson,
             Rúnar Ísleifsson og
        Sigurður Eiríksson                       2,5

8.       Jón Kristinn Þorgeirsson              1

Áskell og Tómas með fullt hús á Atskákmóti Akureyrar

Atskákmót Akureyrar hófst s.l. sunnudag. Var mótið sett með trumbuslætti, lúðraþyti og svuntuþeytingi svo eftir var tekið um gjörvallt landið.

Til leiks voru mættir átta af jólasveinunum 13. Má þar helsta nefna Lagakræki, Snjóskefil, Diskasleiki, Þvaðurgaur og Mysugám. Sveinarnir röðuðu sér í hring og tóku nokkur spor á taflborðunum.

 

Dansinum verður framhaldið n.k. fimmtudag kl. 20,  en ennþá er óljóst um hver ber sigur úr býtum, enda vandi um slíkt að spá.