Skákþing Akureyrar, 2. umferð:

Rúnar og Haraldur efstir með fullt hús.

Önnur umferð skákþingsins var tefld í gærkveldi. Engin jafnteflisdeyfð var yfir mönnum og var knúinn fram sigur í öllum skákum. Úrslitin urðu sem hér segir:

Rúnar - Jakob                1-0

Símon - Hreinn               1-0

Hjörleifur - Haraldur         0-1

Karl Egill - Sigurður A     0-1

Jón Kristinn - Andri         0-1

 

Þeir Haraldur Haraldsson og Rúnar Ísleifsson hafa unnið báðar skákir sínar til þessa og eru því efstir. Á hæla þeim koma þeir Sigurður Arnarson og Andri Freyr Björgvinsson með 1,5 vinning. 

Þriðja umferð verður tefld á sunnudag og þá eigast þessir við:

Sigurður-Rúnar

Jakob-Símon

Andri-Karl

Haraldur-Jón Kristinn

Hreinn-Hjörleifur

 

Skákþing Akureyrar hafið!

 Fyrst var telft um titilinn "Skákmeistari Akureyrar" árið 1938 og árlega allar götur síðan. Í fyrra hafði Hjörleifur Halldórsson sigur og er hann enn meðal keppenda á 75. skákþinginu sem hófst nú í dag. Keppendur í meistaraflokki eru 10 talsins og lauk fjórum skákum í dag:

Jakob Sævar Sigurðsson-Karl Egill Steingrímsson 0-1

Sigurður Arnarson-Jón Kristinn Þorgeirsson         1/2

Andri Freyr Björgvinsson-Hjörleifur Halldórsson   1/2

Haraldur Haraldsson-Hreinn Hrafnsson                1-0

Skák Rúnars Ísleifssonar og Símonar Þórhallssonar verður tefld á morgun.

Það vekur athygli að sjá nú meðal keppenda Harald Haraldsson, sem áður gerði garðinn frægan með TR og Mjölni sáluga en hefur ekki teflt kappskák í meira en áratug. Ekki virtist hann þó hafa gleymt miklu, vann góðan sigur í lipurri sóknarskák.

Mótinu verður svo fram haldið n.k. fimmtudag kl. 18.00. Þá leiða saman hesta sína þeir Rúnar og Jakob, Karl og Sigurður, Jón Kristinn og Andri, Hjörleifur og Haraldur og Símon og Hreinn.

Chess-results

Oliver áttundi

Í gær fór fram Íslandsmót barna í skák. Mótið var haldið í Rimaskóla og mættu 64 krakkar til leiks, einn fyrir hvern reit á skákborðinu. Við Akureyringar áttum einn fulltrúa í mótinu, hinn knáa Oliver Ísak Ólason úr Brekkuskóla. Eins og hans var von og vísa stóð hann sig vel og endaði í 8. sæti. Skákfélagið óskar þessum efnis pilti til hamingju með árangurinn.