Fjórðungsstundarmót

Á morgun, sunnudag, fer fram mót hjá Skákfélaginu þar sem hver keppandi fær stundarfjórðung í umhugsunartíma á hverja viðureign. Herlegheitin byrja kl. 13.00 og fer skráning fram á staðnum.

Opið hús

Í kvöld verður opið hús fyrir alla félaga og velunnara Skákfélagsins. Herlegheitin hefjast kl. 20.00. Líklegt er að slegið verði upp hraðskákkeppni.

Áskell startaði best

Skákárið 2013-2014 byrjaði vel – nema að það að fáir létu sjá sig! Í þetta sinn var Startmótið haldið á Kaffi Ilmi í Skátagilinu, þar sem skákgryfja var starfrækt daginn áður og tengjast báðir þessir viðburður Akureyrarvöku. Hvort sem staðsetningin átti þátt í því, leikur í ensku knattspyrnunni eða það að sumir skákmenn eru ekki enn vaknaðir af sumardvala, þá varð aðeins vart við sjö þátttakendur í þetta sinn. Á meðfylgjandi mynd sjást m.a. (ekki) tveir keppendur sem mættu EKKI!

Mótið byrjaði í rjómablíðu en svo kólnaði og loks fór að rigna!. Þá færðist taflmennskan undir þak, þar sem GM Eric Clapton sló á létta strengi úr hátölurum hússins, skákmönnum og öðrum til ánægju.  Úrslit:

·         Áskell Örn Kárason                         10,5 af 12

·         Sigurður Arnarson                          9

·         Jón Kristinn Þorgeirsson                  8,5

·         Símon Þórhallsson                          7,5

·         Logi Rúnar Jónsson                        3,5

·         Óliver Ísak Ólason                           3

·         Dimitrios Theodoropoulos                0