Sjötta lota TM-mótaraðarinnar í kvöld

Eins og títt er á fimmtudagskvöldum verður nú telfd hraðskák TM-syrpunni, sjötta lota af átta. Talfið hefst kl. 20 og engin von til annars en baráttan verði bæði hörð og skemmtileg. Að venju er það hið harðsnúna ungmenni Jón Kristinn Þorgeirsson sem hefur forystuna í syprunni með 43 vinninga. Í humátt á eftir honum koma svo hinir grimmúðlegu skákjöfrar Rúnar Sigurpálsson og Sigurður Arnarson. Aðrir standa þessum nokkuð að baki, en í kvöld gefst tækifæri á að bæta þar úr.

Gagnárás

Sunnudaginn 23. mars verður haldið upp á að dagurinn er orðinn lengri en nóttin á Íslandi. Það gefur okkur gott tilefni til að hafa skákfyrirlestur um gagnsóknir. Farið verður yfir nokkrar skákir þar sem annar keppandinn virðist vera með hartnær unnið en andstæðingurinn nær að rétta sinn hlut. Herlegheitin hefjast kl. 13.00 og er ókeypis aðgangur fyrir alla á meðan húsrúm leyfir.  

TM-mótaröðin

Í dag fór fram 5. umferð TM-mótaraðarinnar. Að þessu sinni mættu 10 keppendur til leiks og tefldar voru 9 umferðir. Hart var barist og drengilega. Jón Kristinn sigraði og hlaut 1,5 vinningum meira en næstu menn. Jón hefur einnig forystu þegar allar umferðir eru taldar saman eins og sjá má hér að neðan.

Næsta umferð fer fram fimmtudaginn 27. mars.

	9.1.2014	30.1.2014	20.2.2014	13.mar	20.mar	Samtals
Jón Kristinn Þorgeirsson	8	9	11	7,5	7,5	43
Sigurður Arnarson	11	8	8	4,5	6	37,5
Rúnar Sigurpálsson	13	9	14			36
Tómas Veigar Sigurðarson	7,5	5,5	6	6,5	6	31,5
Smári Ólafsson	7,5	3,5	6	4	4,5	25,5
Áskell Örn Kárason	11		11,5		5,5	22,5
Andri Freyr	7		9	5	4,5	21
Símon Þórhallsson	7,5		5,5	6,5	4,5	19,5
Haki Jóhannesson	3,5	4	4,5	1,5		13,5
Sigurður Eiríksson			9	2,5	3	11,5
Haraldur Haraldsson			6,5	5		11,5
Logi Rúnar Jónsson	1,5	1,5	4		3	10
Karl Egill Steingrímsson	3	0,5	4	2	0,5	10
Ingimar Jónsson		6				6
Gauti Páll Jónsson			5			5
Sveinbjörn Sigurðsson			2			2