Haustmótið hafið - jöfn og spennandi barátta

Haustót SA hófst í dag, 17. september. Tefldar voru fjórar umferðir af sjö í fyrri hluta mótsins og vegnaði mönnum misvel, eins og gengur. 11 keppendur mættu til leiks og er staða þeirra nú þessi:

1. Jón Kristinn 3,5; 2-3. Sigurður A og Smári 3; 4. Símon 2,5; 5-6. Haraldur, Ólafur Kr. og Sigurður E 2; 8-11. Arnar Smári, Eymundur, Áskell og Ulker 1,5. 

Þessi eigast við .i 5. umferð, sem hefst kl. 13 næsta sunnudag:

Jón Kristinn og Haraldur

Smári og Sigurður A

Sigurður E og Símon

Áskell og Ulker

Arnar Smári og Eymundur

Ólafur situr hjá

Öll úrslit á chess-results

 

Mótaröðin - fyrsta lota

Hin víðfræga mótaröð SA hófst fimmtudagskvöldið 14. september og mættu 12 keppendur til leiks. Að ráði skákspekinga voru nú tefldar hraðskákir með tímamörkunum 4-2 og meiningin að halda því áfram.

Þegar upp var staðið leit mótstaflan svona út:

Áskell Örn Kárason	10½
Elsa María Kristínardóttir	8½
Ólafur Kristjánsson	8
Sigurður Arnarson	8
Smári Ólafsson	8
Sigurður Eiríksson	5½
Haraldur Haraldsson	5½
Heiðar Ólafsson	4
Eymundur Eymundsson	3½
Hjörtur Steinbergsson	2½
Arnar Smári Signýjarson	2
Hilmir Vilhjálmsson	0

Reglurnar eru einfaldar; Tefldar verða átta lotur og er öllum frjálst að vera með í eins mörgum eða eins fáum og þeir vilja. Sigurvegarinn er sá eða sú sem safnar flestum vinningum og er þá bara sex mót talin - ef teflt er í fleiri mótum falla þau lökustu burt í samlagningunni. Eins og sjá má var formaður félagsins mjög bogfimur í þetta sinn og skákaði í því skjóli að ungstirning Jokko og Símon voru enn í Rúmeníu, á EM ungmenna. 

Haustmót Skákfélags Akureyrar 2017

Í ár verður mótið með nýju sniði.  Í fyrri hluta mótsins verða tefldar atskákir, en kappskákir í síðari hlutanum.

 

Fyrri hluti, umhugsunartími 20 mín + 10 sek. á leik:

Sunnudaginn       17. september kl. 13.00,         1-4. umferð.  

Sunnudaginn       24. september kl. 13.00,         5-7. umferð.

 

Seinni hluti, umhugsunartími 90 mín + 30 sek. á leik:

Fimmtudaginn     28. september kl. 18.00          1. umferð.

Sunnudaginn         1. október kl. 13.00          2. umferð.

Sunnudaginn         8. október kl. 13.00          3. umferð.

Fimmtudaginn     12. október kl. 18.00            4. umferð.

Sunnudaginn       15. október kl. 13.00           5. umferð.

 

Röðun verður eftir svissneska kerfinu, ef fjöldi þáttakenda leyfir.

Mótshaldari áskilur sér rétt til að gera lítilsháttar breytingar á fjölda skáka þegar fjöldi þáttakenda liggur fyrir.

Leyfilegt er að sömu keppendur tefli saman BÆÐI í fyrri- og seinni hluta.

 

Vinningar verða reiknaðir sem hér segir:

Í fyrri hluta, ½ vinningur fyrir jafntefli og 1 fyrir sigur.

Í seinni hluta, 1 vinningur fyrir jafntefli og 2 fyrir sigur.

Sá sigrar sem fær flesta vinninga skv. þessu og hlýtur hann sæmdarheitið „Meistari Skákfélags Akureyrar 2017“

 Núverandi meistari er Jón Kristinn Þorgeirsson.

 

Þátttökugjald er kr. 3000 fyrir félagsmenn SA, en kr. 3500 fyrir aðra.

Unglingar f. 1996 og síðar greiða kr. 1500, en þeir sem greiða æfingajald fyrir haustmisseri greiða ekkert aukalega fyrir þátttöku í haustmótinu.

 

Mótið reiknast til alþjóðlegra og íslenskra skákstiga.

 

Skráning með tölvupósti á netfang formanns, [e-mail] eða með skilaboðum á Facebook-síðu félagsins. Tekið verður við skráningum á skákstað til kl. 12:50 þann 17. september.