Úrslit nokkurra móta

Fátt hefur verið sagt af mótum félagsins hér á síðunni undanfarnar vikur og skal nú bætt úr því.

Atskákmót Akureyrar var háð dagana 6-9. nóvember. Tefldar voru sjö umferðir með umhugsunartímanum 20-10. Tólf keppendur mættu til leiks og þegar upp var staðið hafði Andri Freyr Björgvinsson flesta vinninga, eða 5.5. Þeir Stefán G. Jónsson og Smári Ólafsson komu á hæla honum með 5 vinninga, Karl Steingrímsson fékk 4.5 og þeir Tómas Veigar Sigurðarson, Hjörtur Steinbergsson og Robert Thorarensen fengu 4 vinninga. Öll úrslit og árangur allra keppenda má sjá á Chess-results. Andri Freyr er því atskákmeistari Akureyrar 2019.

Þann 1. desember fór fram 15 mínútna mót með átta keppendum. Tefldu allir við alla, sjö umferðir og vann varaformaður félagsins mótið með fullu húsi. Úrslit:

Rúnar Sigurpálsson       7

Sigurður Arnarson og

Karl Steingrímsson       5,5

Sigurður Eiríksson       4

Arna Dögg Kristinsdóttir 3

Markús Orri Óskarsson    1,5

Gunnar Logi Guðrúnarson  1 

Tobias Matharel          0,5

Þá er nýlega lokið tveimur lotum í mótaröðinni.   

Þeim lauk þannig: 

11. nóvember

1	Rúnar Sigurpálsson	12
2	Símon Þórhallsson	10
3	Hjörtur Steinbergsson	7
4	Arnar S  Signýjarson	5
	Stefán G Jónsson	5
6	Robert Thorarensen	3
7	Árni Jóhann Arnarsson	0

5. desember:

1	Robert Thorarensen	9
2	Hjörtur Steinbergsson	8
3	Stefán G Jónsson	7
4	Arna Dögg Kristinsd	0

Næsta mót verður svo nú á fimmtudag, 19. desember þegar sjötta og síðasta lota mótaraðarinnar fer fram. Eftir fimm mót hafa þessir flest stig í mótaröðinni (15 stig gefin fyrir efsta sæti í móti, 12 fyrir annað sæti, 10 fyrir það þriðja, svo 8-7-6 o.s.frv.):

Hjörtur Steinbergsson      42
Elsa María Kristínardóttir 28,5
Robert Thorarensen         25,5
Andri Freyr Björgvinsson   23,5
Stefán G Jónsson           17,5
Arna Dögg Kristinsdóttir   15
Rúnar Sigurpálsson         15

Skákdagskrá til áramóta

Eins og venjulega er nokkuð mikið um að vera í skáklífinu um hátíðarnar. Þetta stendur til:

14. des. á laugardegi kl. 10.00    Barnamót (laugardagsmót)

19. des á fimmtudegi kl. 20.00     Mótaröð, 6. lota, tefldar hraðskákir

20. des á föstudegi kl. 15.00      Jólapakkamót fyrir börnin. Jólapakkar fyrir fimm fyrstu                                         sætin, auk þess fimm aukaverðlaun dregin út.

26. des - annar í jólum kl. 13.00  Jólahraðskákmót

29. des á sunnudegi kl. 13.00      Hverfakeppnin - liðakeppni þar sem er tefld atskák og                                           hraðskák

Nýtt ár hefst svo með Nýjársmótinu kl. 14 á nýjársdag.

Stefnt er að hraðskákmóti (mótaröð) fimmtudaginn 9. janúar.

Eins og glöggir lesendur sjá er uppskeruhátíð sem venjulega er haldin um miðjan desember ekki á þessari dagskrá. Í þetta sinn verður blásið til fagnaðar þann 11. janúar þar sem haustmisserið verður gert upp og helstu viðburðir vormisseris kynntir. Stefnt er að því að Skákþing Akureyrar hefjist svo daginn eftir, sunnudaginn 12. janúar. Þetta verður auglýst nánar á næstu dögum. 

 

Mótaröð annað kvöld

Annað kvöld, 5. desember klukkan 20:00 verður reynt aftur við 5. umferð mótaraðarinnar en síðasta mót þurfti að fella niður sökum slakrar mætingu. Bætum úr því á morgun. Allir velkomnir, jafnt ungir sem og aðeins eldri.