Aðalfundur Skákfélags Akureyrar 2009.

miðvikudagur 11.feb.09

Gylfi Þórhallsson var endurkjörinn formaður Skákfélags Akureyrar á aðalfundi félagsins sl. sunnudag. Í stjórn voru kosnir

  Áskell Örn Kárason, Sigurður Eiríksson, Hjörleifur Halldórsson og Karl Hjartarson, en tveir síðast töldu eru nýliðar í stjórn S.A. Úr stjórn gengu Gestur Vagn Baldursson eftir ársveru og Sigurður Arnarson eftir tveggja ára stjórnarsetu. Gylfi hefur nú verið kosinn formaður í fjórtánda sinn, og auk þess gegndi hann formennsku í tíu mánuði vegna forfalls formanns.

Aðeins Jón Ingimarsson hefur gegnt formennsku lengur eða í 16. ár. Gylfi hefur nú setið í stjórn félagsins í 30 ár lengur en nokkur annar. Fjárhagur félagsins er mjög góður, og fulltrúi íþróttadeildar Akureyrarbæjar sem sat fundin sagði að rekstur/fjárhægur  félagsins sé því betra sem hann hefur séð hjá æskulýðs- eða íþróttafélögum hér í bænum og jafnvel út á landi sem hann hefur séð. Þátttaka á mótum félagsins á síðasta starfsári hefur aukist miðað við síðustu ár og barna og unglingastarf er mjög gott, en tæp fjörutíu börn og unglingar frá félaginu tóku þátt í Íslandsmótum á síðasta starfsári sem er með mesta móti, en  sum þeirra fóru allt að fjórum eða fimm sinnum á Íslandsmót. Árangur Akureyringa  ungmenna á Íslandsmótum hefur verið góður undan farin ár, t.d. unnist Íslandsmeistarar titlar nú ár hvert síðustu fjögur ár og síðustu tíu ár hafa 24 ungmenni úr félaginu orðið Íslandsmeistarar og fjórir urðu Norðurlandameistarar. En hjá félaginu er varðveittur Minningarsjóður Ragnars Þorvarðarsonar sem hefur verið starfrækt í tæp 20 ár, en markmið sjóðsins er að styrkja efnilega skákmenn 16 ára og yngri, til að sækja skákmót utan Akureyrar. Félagið hefur styrkt mjög myndarlega við keppnisferðir ungmenna í áraraðir.

Á afmælisárinu er það helst á döfinni hjá Skákfélaginu er t.d. að halda síðari hluta Íslandsmóts Skákfélaga 20. og 21. mars.  Fyrirhugað Landsmót í skólaskák á Akureyri í vor.  Skákþing Norðlendinga hið 75 verður haldið í vor, og  landskeppni við Færeyinga í sumar teflt í Færeyjum.     

Hraðskákmót Akureyrar 2009, unglingaflokkur.

þriðjudagur 10.feb.09

Hlynur Friðriksson, Andri Freyr , Hersteinn , Mikael Jóhann, unglingameistari Akureyrar, Tinna Ósk, stúlknameistari og Jón Kristinn, drengja- og barnameistari Akureyrar.

Þrír keppendur urðu jafnir og efstir á hraðskákmóti Akureyrar í unglingaflokki sem fram fór í gær, en þeir voru: Mikael Jóhann Karlsson, Jón Kristinn Þorgeirsson og Aðalsteinn Leifsson, eftir aukakeppni

bar Mikael Jóhann sigur, Jón Kristinn varð annar og Aðalsteinn varð í þriðja sæti.

Lokastaðan:

1.	Mikael Jóhann Karlsson	5 v. af 6.	+ 2 v.
2.	Jón Kristinn Þorgeirsson	5	+ 1
3.	Aðalsteinn Leifsson	5	+ 0
4.	Andri Freyr Björgvinsson	4
5.	Logi Rúnar Jónsson	4
6.	Birkir Freyr Hauksson	3
7.	Hersteinn Heiðarsson	3
8.	Tinna Ósk Rúnarsdóttir	3
9.	Hlynur Friðriksson	3
10.	Sturla Elvarsson	3
11.	Hafsteinn Ísar Júlíusson	3
12.	Aron Kristófersson	2
13.	Gunnar Hrafn Halldórsson	2
14.	Jóel Björgvinsson	1
15.	Sindri Unnsteinsson	1.
	Tefldar voru 6. umferðir	eftir monrad	kerfi.

Jón Kristinn Þorgeirsson keppir í yngsta flokki fyrir Íslandshönd á Norðurlandamóti í skólaskák sem fer fram í Færeyjum 12. - 14. febrúar.  Jón fer suður í dag og út á morgunn. Skákfélag Akureyrar óskar honum og öðrum Íslensku keppendunum á mótinu velfarnaðar. Farastjórar eru Björn Þorfinnsson forseti Skáksambands Íslands og Helgi Ólafsson stórmeistari.

Skákþing Akureyrar 2009 í yngri flokkum.

laugardagur 7.feb.09

Jón Kristinn og Mikael Jóhann

Mikael Jóhann Karlsson varð unglingameistari Akureyrar,  Jón Kristinn Þorgeirsson varð drengja- og barnameistari og Tinna Ósk Rúnarsdóttir stúlknameistari en mótið er

nýlokið, og var þátttaka góð, eða 18 keppendur. Fyrirkomulag með verðlauna skiptingu var breytt á stjórnarfundi í haust, nú geta allir orðið unglingameistarar 15 ára og yngri og það gildir einnig með drengjaflokkinn sem er fyrir 12 ára og yngri. Áður  var unglingaflokkur fyrir 13 - 15 ára og í drengjaflokki 10 - 12 ára

 

Skákþing Akureyrar 2009 í yngri flokkum

Fór fram 2. og 4. febrúar. 7. umf. eftir monrad.

Tímamörk: 15 mínútur á keppenda.

Unglingaflokkur: f. "93 og síðar.                           

Drengjaflokkur:   f. "96 og síðar.

Barnaflokkur:      f. "99 og síðar.                 

 

1. Mikael Jóhann Karlsson f.95.         7 vinn. af 7!  Unglingameistari

2. Jón Kristinn Þorgeirsson f.99          6     Drengja- og barnameistari                                               

3. Hersteinn Heiðarsson    f.96           4,5 og 32 stig     og  2. í drengjafl.

4. Andri Freyr Björgvinsson f.97          4,5 og 30   -             3. í drengjafl.

5. Aðalsteinn Leifsson        f.98          4   og 24,5

6. Birkir Freyr Hauksson     f.96          4   og 22,5

7. Logi Rúnar Jónsson       f.96          4    og 21

8. Sturla Elvarsson            f.98          4   og  19,5

9. Hafsteinn Ísar Júlíuson  f.98          4   og  17

10. Samúel Chan             f.94           3,5

11. Kjartan Elvar Tryggvason98          3   og 21

12. Hlynur Friðriksson        f.99           3   og 17,5                2. í barnaflokki.

13. Tinna Ósk Rúnarsdóttir f.00          3   og 17 1.í stúlknafl. og 3.í ba.fl.

14. Svavar Andrés Hinriksson96         3   og 16,5

15. Ezkel Chan                    f.99         2

16. Jón Stefán Þorvarðsson   f.00        1,5

17. Arnar Logi Kristinsson      f.98        1

18. Jón Páll Norðfjörð             f.98        1

Skákstjórar: Gylfi Þórhallsson og  Ulker Gasanova.