Minningarmótið um Gunnlaug Guðmundsson fer fram nk. sunnudag (8. maí) kl. 13.

Gunnlaugur Guðmundsson var um árabil áberandi í stafsemi SA. Hann gengdi ýmsum stjórnarstörfum í fjölmörg ár og var formaður félagsins í þrjú ár. Gunnlaugur lét ekki staðar numið þar því hann vann einnig þónokkuð af skákmótium.

Tefld verður hraðskák og hefst mótið stundvíslega kl. 13.

Titlar
Hraðskákmeistari SA 1973
Norðurlandsmeistari í hraðskák 1972
Skákmeistari Skákfélags Akureyrar 1959

Stjórn
Skákritari 1965-1967
Skákritari 1967-1968
Skákritari 1969-1970
Varaformaður 1979-1980

Formaður SA
1968-1969
1973-1974
1977-1978

Skákir Júlíusar Bogasonar

Fyrsta fimmtudag í hverjum mánuði eru haldnir fræðslufyrirlestrar hjá Skákfélagi Akureyrar. Fyrsta fimmtudag maí mánaðar ber upp á fimmta dag mánaðarins og þá mun Áskell Örn Kárason fjalla um skákir Júlíusar Bogasonar (1912-1976). Júlíus var um áratugaskeið einn virkasti og öflugasti skákmaðurinn hér í bæ og mörgum minnisstæður. Júlíus lét eftir sig mörg hundruð skákir sem hann hafði skráð í skákskriftarbækur á frá því snemma á 4. áratugnum og framyfir 1970. Áskell hefur að undanförnu verið að slá þessar skákir inn í gagnagrunn og ætlar á fimmtudagskvöldið að fræða áheyrendur á því sem vakið hefur athygli hans við þá iðju. Skákunnendur eru hvattir til að mæta í skákheimilið kl. 20, ekki síst þeir sem mættu Júlíusi við taflborðið á sínum tíma og hafa kannski frá einhverju að segja um manninn og skákmeistarann sem svo lengi setti svip sinn á norðlenskt skáklíf.

Fyrirlesturinn hefst kl. 20 og er aðgangur ókeypis og öllum heimill meðan húsrúm leyfir.

Mikael og Jón Kristinn kjördæmismeistarar fyrir Norðurland-eystra.

Mikael Jóhann Karlsson og Jón Kristinn Þorgeirsson urðu kjördæmismeistarar í eldri og yngri flokki í skólaskák, en kjördæmismótið var haldið á Akureyri í dag. þeir unnu báðir sína flokka með fullu húsi vinninga. Hersteinn Heiðarsson og Logi Jónsson urðu jafnir í 2-3. sæti með 5 vinninga og háðu því aukakeppni til að skera úr um hvor þeirra hreppti annað sætið, en það sæti gefur keppnisrétt á Landsmótinu í skólaskák sem haldið verður á Akureyri um miðjan maí. Hersteinn hafði betur í þeirri keppni en tvær 15 mín skákir og tvær hraðskákir þurfti til að skera úr um það.
Snorri Hallgrímsson Borgarhólsskóla varð í fjórða sæti með 4 vinninga og Valur Heiðar Einarsson Borgarhólsskóla varð í 5. sæti með 2,5 vinninga.

Keppendur í eldri flokki: Logi Rúnar Jónsson, Hersteinn Heiðarsson, Birkir Freyr Hauksson, Mikael Jóhann Karlsson, Jóhanna Þorgilsdóttir, Valur Heiðar Einarsson, Snorri Hallgrímsson og Svavar Hinriksson.

Úrslitin í eldri flokki:

1. Mikael Jóhann Karlsson Brekkuskóla 7 vinninga af 7.
2. Hersteinn Heiðarsson Glerárskóla 5 (+ 3)
3. Logi Rúnar Jónsson Glerárskóla 5 (+1)
4. Snorri Hallgrímsson Borgarhólsskóla 4
5. Valur Heiðar Einarsson Borgarhólsskóla 2,5
6. Birkir Freyr Hauksson Glerárskóla 2
7. Jóhanna þorgilsdóttir Valsárskóla 1,5
8. Svavar A Hinrkisson Valsárskóla 1

Jón Kristinn Þorgeirsson Lundaskóla vann eins og áður segir yngri flokkinn örugglega en Aðalsteinn Leifsson Brekkuskóla, varð í öðru sæti með 4 vinninga. Jafnir í 3-4 sæti urðu þeir Sævar Gylfason Valsárskóla og Oliver Ísak Ólason Brekkuskóla og háðu þeir aukakeppni um þriðja sætið, því það sæti gefur keppnisrétt á landsmótinu í skólaskák. Sævar vann þá keppni 2-0. Ari Rúnar Gunnarsson Reykjahlíðarskóla varð í 5-6 sæti ásamt Telmu Eir Aradóttur Valsárskóla með 1. vinning. Tefldar voru skákir með 15 mín umhugsunartíma í báðuð flokkum.

 

Keppendur í yngri flokki: Jón Kristinn Þorgeirsson, Aðalsteinn Leifsson, Sævar Gylfason, Telma Eir Aradóttir, Ari Rúnar Gunnarsson og Oliver Ísak Ólason fremst.

Úrslitin í yngri flokki:

1. Jón Kristinn Þorgeirsson Lundarskóla 5 vinninga af 5
2. Aðalsteinn Leifsson Brekkuskóla 4
3. Sævar Gylfason Valsárskóla 2 (+2)
4. Oliver Ísak Ólason Brekkuskóla 2 (+0)
5. Ari Rúnar Gunnarsson Reykjahlíðarskóla 1
6. Telma Eir Arasóttir Valsárskóla 1