Þriðja A4-mótið á laugardag

Tveimur mótum er lokið í A4-mótaröðinni:

1. mót 22. september
röð	nafn	vinn	stig
1	Fannar Breki Kárason	6	19½
2	Jökull Máni Kárason	4½	21
3	Bergur Ingi Arnarsson	3½	18½
	Anton Bjarni Bjarkason	3½	18
	Örvar Þór Þorbergsson	3½	17½
	Sigurgeir Bjarki Söruson	3½	16½
7	Alexía Lív Hilmisdóttir	2½	19½
8	Ólafur Steinþór Ragnarsson	2	17½
9	Logi Már Ragnarsson	1	16
10	Jasmin Lóa Hilmisdóttir	0	16

2. mót 6. október
röð	nafn	vinn	stig
1	Jökull Máni Kárason	6	18
2	Arna Dögg Kristinsdóttir	5	20
3	Sigþór Árni Sigurgeirsson	3½	18½
	Örvar Þór Þorbergsson	3½	17½
5	Hulda Rún Kristinsdóttir	3	22
	Sigurgeir Bjarki Söruson	3	19½
	Bergur Ingi Arnarsson	3	18½
	Alexía Líf Hilmisdóttir	3	17½
9	Logi Már Ragnarsson	2½	16
	Ólafur Steinþór Ragnarsson	2½	15½
11	Jasmín Lóa Hilmisdóttir	1	13½

Nú er komið að þriðja mótinu sem skv. auglýstri dagskrá verður laugardaginn 20. október og hefst kl. 10. Tefldar verða sex umferðir og opin öllum áhugasömum börnum á grunnskólaaldri. Skráning hefst u.þ.b. 15 mínútum fyrir mót. 

IM Kárason skákmeistari Skákfélags Akureyrar

Í dag lauk Haustmóti Skákfélagsins með æsispennandi skákum. Eins og í fyrri umferðum stóð til að tefldar yrðu fjórar skákir en því miður komust tveir keppendur ekki í lokaumferðina og urðu að gefa sínar skákir. Því voru aðeins tvær skákir tefldar í dag.
Í skák Smára Ólafssonar og Sigurðar Eiríkssonar kom upp Sikileyjavörn. Allt virtist í nokkuð góðu jafnvægi þegar Sigurður lék ónákvæmum riddaraleik. Hann sá ekki hið sterka svar Smára og fékk koltapað tafl. Smári sá allt og leiddi skákina til sigurs á sannfærandi hátt.

Í hinni skákinni áttust við ungstirnið Símon Þórhallsson og hinn reynslumikli Áskell Örn Kárason. Fyrir umferðina voru þeir í tveimur efstu sætunum. Áskell, sem stýrði svörtu mönnunum, var með hálfs vinnings forskot á Símon.
Hvítur virtist með aðeins betri stöðu upp úr byrjuninni en svarta staðan var traust. Þá var Áskell sleginn skákblindu sem Símon nýtti sér og vann peð. Að auki varð peðastaða svarts heldur tætingsleg og útlit fyrir að hann tapaði öðru peði. Í stað þess að leggjast í vörn reyndi Áskell að grugga vatnið en óhætt er að fullyrða að Símon stóð lengi vel til vinnings. Alþjóðlega meistaranum tóks þó að skapa nægileg vandamál í hvítu herbúðunum til að fá ungstirnið út af sporinu. Svartur eignaðist sterkan frelsingja sem tryggði það mikið mótspil að Símoni tókst ekki að landa stóra laxinum. Að lokum þrátefldu þeir og skákin endaði með jafntefli. Það dugði til þess að Áskell varð einn í efsta sæti en Símon endaði í 2. sæti. Þriðji varð Andri Freyr Björgvinsson. Er óhætt að segja að Áskell hafi haft lukkuna í liði með sér gegn þeim báðum. Þessir þrír voru í sérflokki í mótinu.

Hér til hliðar má sjá þá Símon og Áskel takast í hendur fyrir hina dramatísku skák.

Heildarstöðuna má sjá hér að neðan.

Á sunnudag fer fram Hausthraðskáksmót SA. Verður mótið reiknað til alþjóðlegra skákstiga. Mótið hefst kl. 13.00.

	1	2	3	4	5	6	7	8		Vinningar
1. Áskell Örn Kárason	x	,5	1	1	1	1	1	1*		6,5
2. Símon Þórhallsson	,5	x	,5	1	1	1	1	1		6
3. Andri Freyr Björgvinsson	0	,5	x	1	1*	1	1	1		5,5
4. Sigurður Eiríksson	0	0	0	x	1	0	1	1		3
5. Elsa María Kristínardóttir	0	0	0*	0	x	1	1	1		3
6. Smári Ólafsson	0	0	0	1	0	x	,5	1		2,5
7. Benedikt Stefánsson	0	0	0	0	0	,5	x	1*		1,5
8. HilmirVilhjálmsson	0*	0	0	0	0	0	0*	x		0
* DNS

Haustmótið: Áskell efstur fyrir síðustu umferð

Sjötta og næstsíðasta umferð haustmótsins var telfd í gærkveldi, fimmtudag. Úrslit:

Áskell-Hilmir   1-0

Andri-Símon     1/2

Sigurður-Elsa   1-0

Benedikt-Smári  1/2

Fyrstu jafntefli mótsins litu sumsé dagsins ljós í þessari umferð. Hilmir gat ekki mætt í skák sína vegna veikinda. Skák Andra og Símonar var löng og ströng og einkenndist af miklu tímahraki undir lokin. Símon náði snemma undirtökunum með svörtu mönnunum og hélt þeim fram í endatafl. Þá jafnaðist tafli, en á tveimur augnablikum fékk Andri tækifæri til þess að snúa taflinu sér í hag. Hann missti þó af lestinni í miklu tímahraki og jafntefli varð raunin; í lokin stóðu kóngarnir berir eftir!

Elsa jafnaði tafli auðveldlega gegn Sigurði og stóð vgel í miðtaflinu. Staðan var þó viðkvæm og eftir mistök af hennar hendi náði sá síðarnefndi að knýja fram sigur. Benedikt náði sínum fyrsta punkti á mótinu gegn Smára. Hann lenti í vörn með hvítu, en náði með snjöllum hætti að skipta upp í hróksendatafl þar sem hann hélt jöfnu með nákvæmri taflmennsku. 

Fyrir síðustu umferð er Áskell einn efstur með sex vinninga, fullt hús. Símon kemur á hæla honum með hálfum vinningi minna og mætast þeir í síðustu umferð, sem telfd verður á sunnudag. Þar stýrir Símon hvítu mönnunum. Aðrir eiga ekki möguleika á sigri í mótinu, en Andri Freyr er öruggur í þriðja sæti með fjóra og hálfan vinning. Auk Símonar og Áskels leiða þessi saman hesta sína á sunnudag:

Hilmir og Benedikt

Smári og Sigurður

Elsa og Andri

Sjá nánar á chess-results.