Sveinbjörn örlagavaldur

Í dag fór fram skákmót með tímamörkunum 5:3. Það merkir að hver keppandi hóf keppni með fimm mín. á klukkunni fyrir hverja skák en þrjár sek. bættust við eftir hvern leik. Aðeins 5 keppendur mættu til leiks. Það voru þeir nafnar Sigurður Arnarson og Eiríksson, Símon Þórhallsson, Sveinbjörn Sigurðsson og Karl Egill Steingrímsson. Eins og vænta mátti börðust þeir þrir fyrstnefndu um sigurinn. Tefld var tvöföld umferð. Fór svo að Símon og Sigurðarnir skyldu jafnir en Arnarson lagði Eiríksson. En þá gripu örlögin í taumana og Sveinbjörn Sigurðsson lagði Arnarson. Það var því Símon sem sigraði í mótinu.

Lokastaðan:

Símon 6 vinningar af 8

Sigurður A. 5,5

Sigurður E.  4,5

Sveinbjörn 2,5

Karl 1,5