Botvinnik og tangarsókn á miðborðið

Fimmtudaginn 26. febrúar verður haldinn fyrirlestur hjá Skákfélagi Akureyrar. Að þessu sinni verður sjónum beint að sjálfum Botvinnik og hvernig hann réðst gegn miðborðinu með tangarsókn. Ef andstæðingar hans pössuðu sig ekki gat sú sókn gjarnan endað með mátsókn! Þetta er lærdómsrík aðferð og hafa aðrir meistarar fetað í fótspor hans.

Fyrirlesari er Sigurður Arnarson FIDE Instructor. Fyrirlesturinn hefst kl. 20.00 og er öllum velunnurum Skákfélagsins og skáklistarinnar opinn. Kaffi verður selt á kostnaðarverði.