Íslandsmót grunnskólaveita:

Lundarskóli með flest verðlaun - Brekkuskóli í toppbaráttu!

Íslandsmót grunnskólasveita fór fram á Stórutjarnaskóla sl. laugardag. Mótinu lauk með nokkuð öruggum sigri Rimaskóla sem vann sigur á Álfhólsskóla í baráttu um Íslandsmeistaratiltilinn. A-sveit Lundarskóla tók virkan þátt í sigurbaráttunni, en varð að sætta sig við þriðja sætið. Er það að vonum, að skólar sem um árabil hafa lagt áherslu á skákþjálfun og hafa báðir ráðið stórmeistara sem þjálfara, beri hér sigur úr býtum. Árangur Lundarskóla er engu að síður mjög góður.  Sveitina skipuðu þeir Jón Kristinn Þorgeirsson, Símon Þórhallsson, Jón Stefán Þorvarsson, Auðunn Elfar Þórarinsson, Roman Darri S Bos og Gunnar Breki Gíslason. Vann Símon borðaverðlaun á 2. borði. 

Brekkuskóli stóð sig líka með prýði og hafnaði í 4-5. sæti. Sveit skólans var sú næstyngsta í keppninni og víst að hún á mikið inni fyrir næstu keppni. 

B-sveit Lundarskóla var skipuð yngstu keppendunum og eingöngu stúlkum. Róður þeirra var erfiður gegn mun eldri og reyndari keppendum en hrepptu þó tvenn verðlaun; fyrir bestan árangur b-sveita og stúlkasveita.   Sveitin var skipuð þeim Sunnu Þórhallsdóttur, Ölfu Magdalenu B Jórunnardóttur, Helgu Sóleyju G Tulinius og Hrafnhildi Davíðsdóttur.

Nánari úrslit á skak.is