Öldungis fyrirlestur (eða hvernig Áskel missti af áfanganum)

Að venju verður opið hús í Skákheimilinu á fimmtudagskvöldið.  Í þetta sinn ætlar Áskell Örn Kárason að stytta gestum stundir með frásögn af ferð sinni á heimsmeistaramót öldunga í Króatíu fyrir skemmstu.

Áskell mun fara yfir nokkrar skákir sínar á mótinu, m.a. hina afdrifaríku viðureign við „Íslandsvininn“ Mihai Suba  þegar áfangi að alþjóðlegum meistaratitli var innan seilingar.  Þá verða sýndar myndir frá mótinu; meira að segja hreyfimyndir ef vel tekst til. Fleira verður til skemmtunar ef fyrirlesarinn verður í stuði.

Kaffi verður á könnunni.

 

 

Á myndinni sést fráfarandi heimsmeistari, Jens Kristiansen að hefja skák sína við Per Ofstad, sem varð síðast Noregsmeistari árið 1961. Áskell virðist vera að huga að einhverju öðru en skák þeirra félaganna.