Skákmót í sumar

Starfsemi Skákfélagsins er nú komin í sumarbúning. Skv. venju förum við okkur aðeins hægar yfir björtustu mánuðina, en áfram verður þó opið hús hjá félaginu ALLA FIMMTUDAGA í sumar. Húsið opnar rétt fyrir kl. 20 og menn tefla svo eins og þá lystir. Væntanlega verður slegið upp hraðskákmóti flest kvöldin eins og oft við slíkar aðstæður.

Þessu til viðbótar er stefnt að því að halda a.m.k. 2-3 útiskákmót í sumar. Það verður auglýst nánar síðar.

Menn eru minntir á að fylgjast með hér á heimasíðunni; hér verða boðuð ný mót og aðrar hugsanlegar breytingar á þeirri dagskrá sem hér er lýst.