Davíð sigurvegari og Stefán Norðurlandsmeistari

Í dag lauk æsispennandi Skákþingi Norðlendinga, hinu 78. í röðinni. Eins og á síðasta ári var það Reykvíkingurinn Davíð Kjartansson sem fékk flesta vinninga, en þar sem hann hefur ekki enn flutt lögheimili sitt í norðlendingafjórung gekk meistaratitillinni honum út greipum, rétt eins og á Siglufirði í fyrra. Davíð fékk 6 vinninga í 7 skákum og varð hálfu vinningi á undan alþjóðlega meistaranum Jóni Viktori Gunnarssyni, sem hafnaði ó öðru sæti. Hin forna kempa Þór Valtýsson vað svo þriðji. Mestu örlagavaldur í mótinu var annars margefldur Norðurlandsmeistari, Gylfi Þórhallsson. Í fyrstu umferð náði hann að máta Ingibjörgu Eddu með aiens um 2 sekúndur á klukkunni, tókst þá að búa til mát út úr engu á stöðu þar sem hann stóð síst betur.  Sama tímahrak hrjáði hann í næstu umferð þegar hann féll á tíma með hrók yfir á móti Davíð. Þar fékk hann þó jafntefli þar sem andstæðingur hans átti bara kónginn berann. Gylfi var svo í lykilstöðu að tryggja sér enn einn Norðurlandsmeistara-titilinn í síðustu umferð, þegar hann telfi víð Þór Valtýsson. Eins og aðrar skákir þróuðust nægði Gylfa jafntefli, en hann var í þeirri trú að stig væru reiknuð öðruvísi en auglýst var og hélt að hann þyfti að vinna. Gylfi hafnaði því þrátefli og tapaði loks skákinni þrátt fyrir vinningsstöðu um tíma. Þar með fauk Norðurlandsmeistaratitillinn.  Hann hreppti Stefán nokkur Bergsson og varð nú meistari í annað sinn. Stefán tefldi af dirfsku í mótinu og uppskar skv. því, en var óneitanlega nokkuð heppinn þarna í lokin. Gott mót hjá Stefáni.

Öll úrslit í mótinu má sjá á Chess-results, en verðlaunahafar voru þessir:

1. Davíð Kjartansson     6

2. Jón Viktor Gunnarsson 5,5

3. Þór Valtýsson        5

4-6. Stefán Bergsson, Rúnar Sigurpálsson og Tómas Veigar Sigurðarson 4,5

Norðurlandsmeistari Stefán Bergsson sem áður segir. Meistari í unglingaflokki Jón Kristinn Þorgeirsson.

Stigaverðlaun 1801-2000 stig: Þór Valtýsson

Stigaverðlaun 1800 stig og minna: Jón Kristinn Þorgeirsson, Gauti Páll Jónsson, Sindri Guðjónsson og Ingibjörg Edda Birgisdóttir.

Að síðustu umferð lokinni fór svo fram Norðurlandsmót í hraðskák. Þar voru keppendur alls 16 og tefldu allir við alla. Rúnar Sigurpálsson bar eins og venjulega sigur úr býtum, Hann fékk 13,5 vinning, heilum vinningi á undan Áskeli Erni Kárasyni í öðru sæti. Þriðji var svo Gylfi Þórhallsson. Aðrir fengu skiljanlega eitthvað minna.

Þessari skákhátið lauk svo sem mögnuðu tertuboði þar sem menn fögnuðu góðum sigrum og komandi sumri hver á sinn hátt. Veitt voru verðlaun fyrir helstu mót vormisseris og voru allir vel að þeim komnir.