Íslandsmót unglingasveita 2008

mánudagur 24.nóv.08

Hellir a - SA a.

 

Íslandsmót unglingasveita 2008 - S.A. í 5 sæti

Skákfélag Akureyrar sendi tvær sveitir á Íslandsmót unglingasveita sem fram fór í Sjálandsskóla í Garðabæ sl. laugardag.  

A sveitin var allt mótið í efri hluta  og þessir ungu piltar á aldrinum 11 - 13 ára stóðu sig mjög vel, þeir Hersteinn og Andri Freyr voru að taka þátt í fyrsta sinn á íslandsmóti unglingasveita.  A sveitin var þannig skipuð: 1. borð Mikael Jóhann Karlsson (4) 2. borð Hersteinn Heiðarsson (1,5)  3. borð Hjörtur Snær Jónsson (4,5)  4. borð Andri Freyr Björgvinsson (4,5). Vinningar eru innan sviga.

Viðureignir S.A. a
SA a - SA b     3-1 
SA a - TR a     1,5-2,5
SA a - Fjölnir a 2,5-1,5
SA a - TV a     0,5 - 3,5
SA a - Hellir b 3  -  1
SA a - Hellir a 0  -  4
SA a - Haukar a 4 - 0

Í b sveit félagsins voru allir liðsmenn í fyrsta sinn að taka þátt í svo sterku móti, en þeir eru á aldrinum 9 - 12 ára. Sveitin stóð sig mjög vel, þeir voru mest allan tíman efstir b - liða  en voru mjög  óheppin í síðustu umferð þegar þeir lentu á móti  a - sveit Hellis sem voru með lang sterkasta lið keppninnar. Í sömu umferð átust við b sveit Fjölnis og b - sveit TR. og lyktaði 2-2 og þar með fóru þær uppfyrir sveit SA B.  B sveitin var þannig skipuð, vinningar eru innan sviga: 1. borð Birkir Freyr Hauksson  (2) 2. borð Jón Kristinn Þorgeirsson (3,5)      3. borð Aðalsteinn Leifsson  (4)      4. borð Logi Rúnar Jónsson (3)

Viðureignir S.A. b
SA b - SA a       1-3
SA b - Haukar a 4-0
SA b - TV a       1-3
SA b - Fjölnir a  1-3
SA b - TV b       2,5-1,5
SA b - TR b        2-2
SA b - Hellir a    0-4

 Lokastaðan

   1. Taflfélagið Hellir a-sveit 25 vinninga
   2. Taflfélag Reykjavíkur a-sveit 21 vinningur
   3. Taflfélag Vestmannaeyja a-sveit 18,5 vinningar
   4. Fjölnir a-sveit 18 vinningar
   5. Skákfélag Akureyrar a-sveit 14,5 vinningar
6-7. Taflfélag Garðabæjar 13 vinningar
6-7. Fjölnir b-sveit 13 vinningar
   8. Taflfélag Reykjavíkur b-sveit 12,5 vinningar
   9. Skákfélag Akureyrar b-sveit 11,5 vinningar
  10. Taflfélag Vestmannaeyja b-sveit 9,5 vinningar
  11. Taflfélagið Hellir b-sveit 9 vinningar
  12. Haukar 2,5 vinningar