Frá skákviðburðum á suðvesturhorni landsins í sumarið 2008

fimmtudagur 21.ágú.08

Mikael Jóhann Karlsson varð í 14. - 16. sæti með 3,5 vinning af 7 á meistaramóti Skákskóla Íslands, en það var Guðmundur Kjartansson sem sigraði á þessu sterka unglingamóti hlaut 6,5 v.

Skáksamband Íslands var með æfingabúðir fyrir unglinga í júní á Laugarvatni sem tókst mjög vel. Mikael og Hjörtur Snær Jónsson voru á námskeiðinu og höfðu mjög gaman af.

 

Skákkeppni eldri borgara frá Skákfélagi Akureyrar við Skákdeild eldri borgara í Reykjavík fór fram 7. og 8. júní í Reykjavík. . Ellefu manna hópur kom að norðan. Á laugardag var keppt í atskák í 2 riðlum. Heimamenn sigruðu í báðum riðlum.

• A riðill Reykjavík 25,5 v Akureyri 10,5 v
• B riðill Reykjavík 17 v Akureyri 13 v.

Á sunnudag var keppt í hraðskák þar sigruðu Reykvíkingar einnig, fengu 75 vinninga gegn 46 vinningum Akureyringa. Flesta vinninga norðanmanna í hraðskákinni voru: Sigurður Daníelsson 8,5, Þór Valtýsson 8, Haki Jóhannesson og Ari Friðfinnsson 5,5 og Sveinbjörn Óskar Sigurðsson 4 v. ,

Halldór Brynjar Halldórsson varð í öðru sæti á Helgarmóti Taflfélags Hellir og Taflfélags Reykjavíkur í júlí, hlaut 5,5 v. af 7. Eftir að hafa haft forystu á tímabili eftir góðan sigur gegn sigurvegara mótsins Davíð Kjartanssyni í þriðju umferð. Davíð hlaut 6 v. Stefán Bergsson varð í 10. sæti fékk 3,5 vinning.