Góður árangur Mikaels á Íslandsmóti drengja.

þriðjudagur 6.nóv.07

Mikael

Mikael Jóhann Karlsson hafnaði í 11 sæti með 5 v. á Íslandsmóti drengja, 15 ára og yngri.

En mótið var háð dagana 3. og 4. nóvember í Reykjavík. Hann var í öðru sæti í sinum aldursflokki (12 ára). Hjörvar Steinn Grétarsson Taflfélaginu Helli varð Íslandsmeistari drengja 2007, vann allar sínar níu skákir. Alls voru 31 keppandi með. Mikael var hársbreidd að ná þriðja sætinu, því í lokaumferðinni tapaði hann fyrir Jóhanni Óla Eiðssyni sem fékk 6 v. og 3. sæti. Ef Mikael hefur unnið, hefði hann lent í 3. sæti. Mikael vann m.a. Jóhönnu Björg Jóhannsdóttir og Hörð Aron Hauksson en þau fengu bæði 5,5 v. og lentu í 6.-10. sæti.