Frá Íslandsmóti skákfélaga

þriðjudagur 6.nóv.07

Frá keppninni 2006-"07. A og B liðið eigast við.

Fyrri hluti Íslandsmóts skákfélaga 2007 - 2008 fór fram í Reykjavík í október. Skákfélag Akureyrar sendi fjórar sveitir í keppnina, tvær í fyrstu deild, og tvær í fjórðu deild.

A - sveit félagsins var töluvert breytt frá síðustu leiktíð. Jóhann Hjartarson stórmeistari gekk í Taflfélag Hellir í sumar. Við þetta tækifæri þakkar Skákfélag Akureyrar þann góðan stuðning og góðum árangri þessi ár sem hann var í félaginu. Og óskum Jóhanni velfarnaðar í nýja félaginu. Auk þess voru forfallaðir, Jón Garðar Viðarsson, Flovin Þór, Arnar Þorsteinsson, Rúnar Sigurpálsson og Kazmiers Olsynski.

A -sveitin var því mun veikari fyrir skapið og hafði það áhrif á hinar þrjár sveitirnar. En félagið fékk samt góðan liðstyrk í sumar. Fyrrum félagi í S.A. og heimamaðurinn, Halldór Brynjar Halldórsson kominn aftur, og Björn Ívar Karlsson frá Vestmanneyjum og óskum þeim báðum velkominn í félagið.

Sveitin fékk þrjár sterkustu sveitirnar í fyrri hlutanum og árangur frekar rýr , en lögðu b - sveitina okkar í 1. umferð með 5 v. gegn 3. Og er í 7. sæti með 10 vinninga.
B - sveitin "sputning" lið síðustu leiktíðar í 1.deild þar sem hún hafnaði í 6. sæti og efst b liða á Íslandsmótinu. Þar með Íslandsmeistarar b - liða 2007.
Í haust tefldi sveitin við þau lið sem mun verða líklega í neðri hlutanum, og eiga því eftir þrjú sterkustu liðinn í keppninni. Liðið vann einn sigur, gegn Taflfélagi Vestmanneyja 4,5 v. gegn 3,5 v., og er í 6. sæti með 11,5 v.
C - sveitin er í 4. sæti í 4. deild með 15,5 vinning, aðeins tveim vinningum eftir efstu sveitinni, Taflfélagi Bolungarvíkur b. Annars er staðan mjög jöfn á toppnum, og það verður hart barist um tvö efstu sætin, en þau gefa sæti í 3. deild.
D - sveit félagsins sem er eingöngu skipuð unglingum er í 22. sæti með 8,5 v.
Lið A - sveitar skipuðu: Thorbjörn Bromann, Gylfi Þórhallsson, Björn Ívar Karlsson, Þórleifur Karl Karlsson og Ólafur Kristjánsson 1,5 v. af 4. Áskell Örn Kárason og Halldór Brynjar Halldórsson 1 v. og Jón Þ Þór ½ v.
Sigurður Arnarson fékk flesta vinninga í b - liðinu, 2,5 v. af 4. Aðrir sem tefldu í sveitinni voru: Pálmi R Pétursson, Stefán Bergsson, Þór Valtýsson, Jón Árni Jónsson, Magnús Teitsson, Smári Rafn Teitsson, Sigurjón Sigurbjörnsson, Sigurður Eiríksson og Jakob Þór Kristjánsson.