Mótaröðin; Hjörtur öruggur sigurvegari í samanlögðu.

Sjötta og síðasta lota mótaraðar að hausti var tefld í kvöld. Sex skákvíkingar mættu til leiks og urðu úrslitin sem hér segir:

Andri Freyr      8 v. af 10

Áskell og

Elsa María       7

Stefán           6

Hjörtur          2

Hilmir           0

Stig eru gefin fyrir árangur í hverju móti og reiknast að hámarki fimm bestu mót hjá hverjum þátttakanda. Í þetta sinn var reyndar bara einn keppandi sem tefldi í öllum mótunum sex, Hjörtur Steinbergsson. Samanlögð stig hans (að lakasta mótinu frádregnu) eru 46. Næst kemur Elsa María með 39,5 stig, sjónarmun á undan Andra Frey sem hefur 38,5. Í fjórða sæti eru svo jafnir þeir Stefán G. Jónsson og Robert Thorarensen með 25,5 stig. 

Alls tóku tólf skákmenn þátt í mótaröðinni nú í haust, sem er nokkuð mikil fækkun frá fyrri árum.