15 mín mót á sunnudag

Hefst kl.13 og öllum heimil þátttaka meðan húsrúm leyfir.

Stjórnin

Bikarmót SA 2015:

Gauti Páll vann - Sigurður Eiríksson bikarmeistari

Mótið fór fram um páskana, skírdag, föstudagin langa og lauk á laugardag. Að venju voru tefldar atskákir og er um útsláttarkeppni að ræða með þeim hætti að keppendur falla út eftir þrjú töp (jafntefli=hálft tap). Alls mætti níu keppendur til leiks og stóð ungstirnið Gauti Páll Jónsson úr TR (en með akureyrskt blóð í æðum) uppi sem sigurvegari þegar allir aðrir höfðu tapað þremur viningum eða meira. Síðastur til að falla út var annar páskagestur í bænum, Árni Ármann Árnason úr Reykjavík. Efstir heimanna urðu þeir Sigurður Eiríksson og Haki Jóhanesson. Þurftu þeir að tefla aukakeppni um titilinn og þar hafði Sigurður betur.

Jón Kristinn vann Páskahraðskákmótið

.. og ber því með réttu heiðursnafnbótin "páskaungi SA 2015". Jón vann reyndar allar sínar skákir nokkuð léttilega. Átta kappar vildu verða ungar og tefldu tvöfalda umferð, alls 14 skákir. Úrslit urðu þessu:

1	Jón Kristinn Þorgeirsson	14
2	Áskell Örn Kárason	10
3	Gauti Páll Jónsson	7
4	Sigurður Eiríksson	6½
5	Karl Egill Steingrímsson	5½
6	Haki Jóhannesson	5
7	Sveinbjörn Sigurðsson	4
8	Haraldur Haraldsson	4