Aðalfundur SA 9. september kl. 13

Við minnum á aðalfundinn á morgun. Venjuleg aðalfundarstörf, sem skv. lögum eru þessi:

1. Formaður félagsins setur fundinn og lætur kjósa fundarstjóra og fundarritara.
2. Kynnt fundargerð síðasta aðalfundar.
3. Formaður flytur skýrslu stjórnar.
4. Lesin árskýrsla ritara um starfsemi félagsins.
5. Gjaldkeri gerir grein fyrir reikningum félagsins.
6. Umræður umstörf stjórnar og afgreiðsla reikninga.
7. Inntaka nýrra félaga.
8. Kosning stjórnar og annarra fastra starfsmanna.
9. Kosning tveggja endurskoðenda.
10. Ákveðið árstillag félagsmanna.
11. Umræður um lög og keppnisreglurfélagsins.
12. Önnur mál

Minnst 10 félagsmenn þurfa að mæta til þess að fundurinn sé löglegur. Með þessarri færslu fylgja nokkrar skrár með skjölum sem munu liggja fyrir á fundinum. Eru félagar hvattir til að kynna sér efni þeirra. Þau eru:

Ársskýrsla 2017-18 - stutt skýrsla formanns, samhljóða þeirri sem send er til samfélagssviðs Akureyrarbæjar.

Skýrsla um úrslit helstu móta, bæði innan og utan félags.

Reikningar félagsins fyrir síðasta starfsár.

Reikningar minningarsjóðs Ragnars Þorvarðarsonar.

 

Skrár tengdar þessari bloggfærslu:

• Ársskýrsla 2017-2018
• Úrslit helstu móta
• Ársreikningur SA
• Reikningar minningarsjóðs RÞ

Mótaröðin

Hin vinsæla Mótaröð hefst fimmtudaginn 6. sept kl. 20.00.
Eins og áður safna þátttakendur vinningum yfir veturinn og sigurvegari verður krýndur fyrir jól.
Öll velkomin.

Ólafur startmeistari

Fyrsta mót á nýju tímabili, Startmótið, var háð sunnudaginn 2. september. Níu keppendur voru mættir og fór svo:

		1	2	3	4	5	6	7	8	9
1	Ólafur Kristjánsson		1	1	1	1	0	1	1	1	7
2	Áskell Örn Kárason	0		1	1	1	1	1	1	1	7
3	Elsa María Kristínardóttir	0	0		1	0	1	1	1	1	5
4	Smári Ólafsson	0	0	0		1	1	1	1	1	5
5	Haraldur Haraldsson	0	0	1	0		1	½	1	1	4½
6	Hjörtur Steinbergsson	1	0	0	0	0		1	1	1	4
7	Heiðar Ólafsson	0	0	0	0	½	0		1	1	2½
8	Jón Magnússon	0	0	0	0	0	0	0		1	1
9	Hilmir Vilhjálmsson	0	0	0	0	0	0	0	0		0

Þeir Ólafur og Áskell urðu sumsé jafnir í efsta sæti, en þar sem sá fyrrnefndi vann innbyrðis viðureign hreppti hann titilinn í þetta sinn. Næst verður teflt fimmtudagskvöldið 6. sept kl. 20, fyrsta lota mótaraðar að hausti.