Stjórn félagsins endurkjörin á aðalfundi

Aðalfundur félagsins var haldinn sl. sunnudag. Fram kom að rekstur félagsins hafði gengið vel á nýliðnu starfsári og varð nokkur afgangur af starfseminni í fyrsta sinn um nokkra hríð.  Á skáksviðinu hafa skipst á skin og skúrir, en árangur félagsmanna í unglingaflokki hefur verið frábær þar sem þeir   Jón Kristinn og Mikael Jóhann urður báðir tvöfaldir Íslandsmeistarar, hvor í sínum aldursflokki, auk þess sem Jón Kristinn vannsigur í skákkeppni Unglingalandsmótsins á Egilsstöðum. Formaður lýsti hinsvegar áhyggjum sínum af minnkandi þátttöku á skákmótum og því að nokkri virkir skákmenn hafa flust úr bænum. Nokkrir skákmenn hafa sagt sig úr félaginu, en á fundinum voru 5 nýjir félagar teknir inn, þar af 4 útlendir meistarar. 

Í ávarpi sínu í lok fundarins sagði formaður það verða verkefni stjórnar að halda áfram hinu hefðbundna félagsstarfi og mótahaldi, en leita einnig leiða til að efla enn barna- og unglingastarf og að laða nýja krafta að félaginu. Mikið væri af skákáhugamönnum sem væru lítt virkir og kæmu sjaldan á skákfundi. Því þyrfti að breyta.

Haustmót TR

Í dag hófst Haustmót Taflfélags Reykjavíkur í fjórum flokkum. Fjórir félagar úr Skákfélagi Akureyrar taka þátt og óskum við þeim góðs gengis.

Í A, B og C flokki eru 10 þátttakendur í hverjum en D flokkurinn er opinn og þar eru fjölmargir skráðir til leiks.

Í A flokki taka þátt Stefán Bergsson (6. stigahæstur) og Þór Valtýsson (9. stigahæstur). Skák Stefáns var frestað en Þór gerði jafntefli við TR-inginn Björn Jónsson.

Í B flokki er Mikael Jóhann Karlsson 6. stigahæsti keppandinn en hann tapaði í dag fyrir Grími Birni Kristinssyni

Í C flokki tekur Óskar Long þátt, en hann er nýgenginn í félagið. Hann er í 7. sæti styrkleikalistans og laut í lægra haldi í dag fyrir Jóni Trausta Harðarsyni.

Í hinum opna D-flokki er enginn fulltrúi frá Skákfélagi Akureyrar. Fylgjast má með mótinu á http://chess-results.com/tnr57001.aspx?art=1&lan=1&flag=30

Mótaröðin fer vel af stað:

Sigurður Eiríksson vann fyrsta mótið:

Enginn stóðst Sigurði Eiríkssyni snúning, nýkomnum af öflugu Norðurlandamóti öldunga, fyrsta mótaraðarkvöldið sem nýlokið er hjá Skákfélaginu. 12 keppendur mættu til leiks og glímdu í 11 umferðir af miklum drengskap. Eiríksson náði forystu snemma móts og lét hana aldrei af hendi.

		1	2	3	4	5	6	7	8	9	10	11	12
1	Sigurður Eiríksson		1	0	½	1	1	1	1	1	1	1	1	9½
2	Áskell Örn Kárason	0		0	1	1	1	1	1	1	1	1	1	9
3	Þór Valtýsson	1	1		1	0	0	1	1	½	1	1	1	8½
4	Jon Kristinn Þorgeirsson	½	0	0		1	1	1	½	1	½	1	1	7½
5	Sigurður Arnarson	0	0	1	0		1	1	0	1	1	1	1	7
6	Andri Freyr Björgvinsson	0	0	1	0	0		0	½	1	1	½	1	5
7	Sveinbjörn Sigurðsson	0	0	0	0	0	1		1	0	1	1	1	5
8	Hjörleifur Halldórsson	0	0	0	½	1	½	0		½	0	1	1	4½
9	Haki Jóhannesson	0	0	½	0	0	0	1	½		½	1	1	4½
10	Atli Benediktsson	0	0	0	½	0	0	0	1	½		0	1	3
11	Jón Magnússon	0	0	0	0	0	½	0	0	0	1		0	1½
12	Haukur Jónsson	0	0	0	0	0	0	0	0	0	0	1		1