TM-mótaröðin á morgun!

Á morgun, fimmtudag , verður þriðja lota mótaraðarinnar sem kennd er við Tryggingamiðstöðina tefld. Taflið hefst kl. 20 og öllum heimil þátttaka. Sjáumst í Skákheimilinu á fimmtudagskvöld!

Skólaskákmót Lundarskóla:

Jón Kristinn og Guðmundur Aron meistarar

Lundarskóli hefur meðal nemenda sinna tvo af sterkustu skákmönnum landsins í sínum aldursflokki, Jón Kristin Þorgeirsson og Símon Þórhallsson. Fleiri krakkar í skólanum hafa áhuga á skák og metnaður er af skólans hálfu að koma upp öflugri skáksveit. Í aðdraganda skákdagsins voru haldnar nokkrar æfingar í Lundarskóla undir handarjaðri Skákfélagsmanna. Þátttaka var nokkuð góð, yfir 20 börn komu á æfingarnar, flest úr 2-5. bekk. Syrpunni lauk svo með skólamóti með 14 keppendum.  Mótið var fimm umferðir og lauk sem hér segir:

Jón Kristinn Þorgeirsson, 8. bekk            5 v.

Símon Þórhallsson, 8. bekk                    4

Atli Fannar Franklín, 9.bekk                     3

Guðmundur Aron Guðmundss., 6. bekk   3

Gunnar Aðalgeir Arason, 6. bekk             3

Dagur Smári Sigvaldason, 3. bekk           3

Auðunn Elfar Þórarinsson, 3. bekk           3

Helga Sóley G. Tulinius, 3. bekk            2,5

Alfa Magdalena Jórunnardóttir, 3. bekk  2,5

Tómas Þórðarson, 4. bekk                    2

Ernir Elí Ellertsson, 4. bekk                     2

Karen Ósk Aðalsteinsdóttir, 4. bekk        1

Óðinn Andrason, 4. bekk                        1

Rakel Sara Elvarsdóttir, 4. bekk              1

Eins og búast mátti við stóð orrustan um sigurinn á mótinu milli þeirra Jóns Kristins og Símonar og réðist í innbyrðis skák þeirra, þar sem Símon hafði betra á borðinu undir lokin, en Jón betra á tíma og réði það úrslitum. Andri Fannar varð svo þriðji í eldri flokki.  En þar sem teflt var um skólameistaratitil í tveimur aldursflokkum,  þurfti aukakeppni til að skera úr um sigurinn í yngri flokki, 1-7. bekk.  

Sú keppni var háð í gær, 11. febrúar og lauk þannig:

Guðmundur Aron Guðmundsson        3 v.

Gunnar Aðalgeir Arason                      2

Dagur Smári Sigvaldason                    1

Auðunn Elfar Þórarinsson                    0

Þeir eru því skólameistarar Lundarskóla árið 2013, Jón Kristinn Þorgeirsson og Guðmundur Aron Guðmundsson.

 

           

Áfram stelpur!

Æfingar fyrir stelpur eru nú að hefjast hjá Skákfélaginu. Það er hið gamalreynda skákfljóð Ulker Gasanova sem mun sjá um æfingarnar, en eins og skákáhugamönnum er hún einmitt upprunnin í fæðingarborg Garrí Kasparovs (sem flestir vita deili á) og fékk sína fyrstu skákþjálfun einmitt þar, í Bakú.

Æfingarnar byrja á morgun, þriðjudag kl. 16.30.  Það er bara að mæta og byrja!  Við munum þreifa okkur áfram í fyrstu, en ef grundvöllur er fyrir æfingunum verður þeim haldið áfram til vors. Caissa lengi lifi!