Skákþing Akureyrar í barna- og unglingaflokkum og Skólaskákmót Akureyrar

fer fram laugardaginn 13.apríl og hefst kl. 13.00.

Teflt verður um titilinn Skákmeistari Akureyrar í eftirfarandi flokkum:

Barnaflokkur,  fædd 2002 og síðar.

Pilta- og stúlknaflokkur, fædd 2000 og 2001.

Drengja- og telpnaflokkur, fædd 1997-1999.

 

Verðlaunapeningar verða veittir fyrir sigur í öllum þremur flokkum.

Mótið er einnig Skólaskákmót Akureyrar.   Þar er keppni háð í tveimur aldursflokkum, yngri flokki (1-7. bekk, þ.e. sameinaður barnaflokkur og pilta- og stúlknaflokkur) og eldri flokki (8-10. bekk, þ.e. samsvarandi drengja- og telpnaflokki).  

Tveir efstu keppendur í hvorum flokki fá þátttökurétt á umdæmismóti í skólaskák sem fer fram síðar í mánuðinum.  

Umhugsunartími er 10 mínútur á skákina og verða tefldar 7 umferðir eftir Monrad-kerfi.

Mótið tekur um 2½ tíma.

Öllum börnum á grunnskólaaldri heimil þátttaka meðan húsrúm leyfir.

Teflt verður í skákheimilinu í Íþróttahöllinni, (gengið inn að vestan).

Firmakeppnin að hefjast

Firmakeppni Skákfélags Akureyrar hefst nk. fimmtudagskvöld kl 20. Tefldar verða hraðskákir og draga keppendur fyrirtæki sem þeir tefla fyrir. Sennilega munu þrjú efstu sætin gefa rétt til þátttöku í  úrslitakeppni sem fram fer síðar, en það fer efir þátttöku fyrirtækja í mótinu. Nú þegar hafa um 20 firma skráð sig í mótið. 

Andri Freyr skólaskákmeistari Brekkuskóla

- Óliver Ísak sigurvegari í yngri flokki.

Skólaskákmót Brekkuskóla var háð í dag, 9. apríl. Keppendur voru 18 talsins og tefldu 5. umferðir eftir Monrad-kerfi.  Fráfarandi meistari, Andri Freyr Björgvinsson, vann mótið örugglega með fullu húsi vinninga og varði þar með titilinn frá fyrra ári. Baráttan um 2. og 3. sætið var hinsvegar afar hörð og má segja að hún hafi ráðist í viðureign Ólivers og Magnúsar þar sem sá síðarnefndi missti drottninguna í flókinni stöðu og mátti eftir það ekki við margnum. Við sigur Ólivers náði Kristján Blær svo að skjótast upp í 3. sætið. Í hópi keppenda með 3 vinninga mátti sjá margan efnispiltinn og rétt í þessu bárust boð frá skákgyðjunni Caissu þar sem hún hvetur þá alla til að leggja rækt við skákíþróttina og lofar konungsríki að launum. Engar prinsessur fylgja þó með í kaupunum, enda létu stúlkurnar sig alveg vanta á mótið í þetta sinn og var þeirra sárlega saknað. Þessu er hér með komið á framfæri. 

Mótið var úrtökumót fyrir skólaskákmót Akureyrar nú á laugardaginn og var öllum keppendum sem fengu 3 vinninga boðin þátttaka þar.

Hér koma svo úrslitin í heild sinni:  

Andri Freyr Björgvinsson	10. bekk	5
Óliver Ísak Ólason	5. bekk	4
Kristján Blær Sigurðsson	10. bekk	3,5
Magnús Mar Vãljaots	10. bekk	3
Gunnar Hrafn Halldórsson	9. bekk	3
Ísak Svavarsson	3. bekk	3
Kári Þór Barry	4. bekk	3
Bjarmi Friðgeirsson	4. bekk	3
Kári Hólmgrímsson	4. bekk	2,5
Örn Þórarinsson	4. bekk	2,5
Veigar Bjarki Hafþórsson	5. bekk	2
Andri Haukur Einarsson	7. bekk	2
Brimar J. Guðmundsson	6. bekk	2
Alex Máni Garðarsson	4. bekk	2
Dofri Friðgeirsson	3. bekk	1,5
Gylfi Rúnar Jónsson	4. bekk	1,5
Stormur Karlsson	3. bekk	1
Hjalti Snær Árnason	5. bekk	0,5