Jón Kristinn Þorgeirsson skákmeistari Norðlendinga

90 ára afmælismót Skákþings Norðlendinga fór fram dagana 5-7. september. Teflt var í Brekkuskóla á Akureyri, tefldar 11 umferðir með atskákarfyrirkomulagi (15-10). Jón Kristinn tók forystu í upphafi móts og lét hana aldrei af hendi. Keppendur voru 24. Lokastaðan í mótinu:

titill	nafn	stig	vinn
FM	Jón Kristinn Þorgeirsson	2154	9,5
IM	Davíð Kjartansson	2382	9
FM	Símon Þórhallsson	2151	7,5
IM	Áskell Örn Kárason	2128	7
FM	Rúnar Sigurpálsson	2229	6,5
	Markús Orri Óskarsson	2011	6,5
	Helgi Pétur Gunnarsson	1758	6,5
	Sigurður Eiríksson	1837	6,5
	Mikael Jóhann Karlsson	2045	6
	Stefán Bergsson	1995	6
	Smári Ólafsson	1983	6
	Adam Ferenc Gulyas	1787	6
WCM	Iðunn Helgadóttir	1765	6
	Gauti Páll Jónsson	2076	5,5
	SigÞór Árni Sigurgeirsson	1694	5,5
	Þórleifur Karlsson	1974	5,5
	Jón Magnússon	1659	5,5
	Benedikt Stefánsson	1663	5
	Nökkvi Már Valsson	1662	5
	Valur Darri Ásgrímsson	1409	4
	Harpa Hrafney Karlsdóttir	1484	3,5
	Viacheslav Kramarenko	1500	2,5
	Dominik Wielgus W	1464	1
	Baltasar Snæbjörnsson	1535	0

Verðlaun voru veitt fyrir fjögur efstu sætin; einnig fyrir bestan árangur keppanda undir 1800 stigum (Helgi Pétur Gunnarsson) og fyrir bestan árangur miðað við stig (Valur Darri Ásgrímsson). 

Hraðskákmót Norðurlands fór svo fram laugardagskvöldið 6. september. Hraðskákmeistari varð Símon Þórhallsson, sem varð efstur 15 keppenda. Lokastaðan:

nafn	stig	vinn
Símon Þórhallsson	2276	7,5
Gauti Páll Jónsson	2163	7
Jón Kristinn Þorgeirsson	2336	6
Davíð Kjartansson	2330	6
Stefán Bergsson	2105	6
Rúnar Sigurpálsson	2226	5,5
Markús Orri Óskarsson	2167	5
Þórleifur Karlsson	2011	5
Áskell Örn Kárason	2109	5
Adam Ferenc Gulyas	1802	5
Sigurður Eiríksson	1900	4
Jón Magnússon	1610	3,5
Nökkvi Már Valsson	1595	3
Björgvin Elvar Björgvinsson	0	2
SigÞór Árni Sigurgeirsson	1679	1,5

 

Styrktaraðilar mótsins voru Íslandsbanki, Arion banki, Landsbankinn og Hafnasamlag Norðurlands.

Haustmótið að hefjast!

Það er skammt stórra högga á milli nú þegar skáklífið fer á fullt eftir sumarið. Haustmót SA, sem er meistaramót félagsins verður nú með sama sniði og í fyrra; undanrásir og úrslitakeppni. Undanrásirnar hefjast nú í vikunni.

Undanrásir verða með atskáksniði, alls sex umferðir (tvær á dag):
11. september kl. 18.00 
12. september kl. 18.00 
13. september kl. 13.00 
Hér er fyrirkomulag nokkuð frjálslegt og geta keppendur valið um það að tefla allar umferðirnar eða bara hluta þeirra. Þeir sem það vilja (og geta) tefla sem flestar skákir en þeir sem aðeins vilja spreyta sig einn dag eða tvo eru líka velkomnir. Umhugsunartími verður 15 mín með 10 sek viðbótartíma fyrir hverja skák.

Úrslit: Þeir sex keppendur sem fá flesta vinninga í undanrásunum tefla svo til úrslita um meistaratitil félagsins, alls fimm kappskákir. Úrslitakeppnin hefst fimmtudaginn 18. september kl. 18.30. Og lýkur sunnudaginn 5.október. Ef þátttaka (og áhugi) er fyrir hendi verður öðrum keppendum boðið til b-úrslita. 

Þátttaka er öllum heimil, en aðeins félagsmaður getur hampað skákmeistaratitlinum. Ekki verður innheimt þátttökugjald fyrir undanrásirnar, en í úrslitum er gjaldið kr. 4000 fyrir félagsmenn en kr. 5000 fyrir aðra.  

Skákþing Norðlendinga um helgina; óslitið mótahald í 90 ár!

 

Skákþing Norðlendinga fer fram á Akureyri um helgina.

Árið 1935 var fyrst efnt til Skákþings Norðlendinga á Akureyri og þar bar Skagfirðingurinn Sveinn Þorvaldsson sigur úr býtum og hlaut að launum nafnbótina „Skákmeistari Norðlendinga“. Síðan hefur verið teflt um þennan titil árlega og keppni aldrei fallið niður í þessi 90 ár. Á ekkert annað skákmót á Íslandi sér jafn langa samfellda sögu.
Á þessum tíma hafa Norðurlandsmótin verið haldin víðsvegar í fjórðungnum. Þannig hefur verið telft á Raufarhöfn og í Grímsey, alloft á Siglufirði og í Húnavatnssýslum svo dæmi séu tekin. Í fyrra var mótið haldið að Skógum í Fnjóskadal, en oftast hefur verið teflt á Akureyri og svo verður einnig í þetta sinn.

Mótið verður sett í sal Brekkuskóla föstudaginn 5. september og lýkur sunnudaginn 7. september. Alls verða tefldar 11 umferðir með atskákarfyrirkomulagi, auk þess sem á laugardeginum verður teflt um norðurlandsmeistaratitilinn í hraðskák. Vegleg verðlaun eru í boði á mótinu.

Þátttaka á mótinu er öllum heimil, en titilinn „Skákmeistari Norðlendinga“ getur aðeins sá hlotið sem á lögheimili á Norðurlandi.

Búist er við góðri þátttöku á mótinu, en þegar hafa 15 keppendur skráð sig og má ætla að endanlegur keppendafjöldi verði nálægt 30. Upplýsingar um skráningu má minna á heimasíðu Skákfélags Akureyrar, skakfelg.blog.is.

Núverandi skákmeistari Norðlendinga er Símon Þórhallsson.  

Ath. enn er opið fyrir skráningu á mótið. Skráningi í gula kassanum á skak.is: 
https://docs.google.com/forms/d/e/1FAIpQLSdGfgRIJ-vrDaD-OBTdqIF9bcm-tqT5W3-bHicmp4em-CXbiw/viewform