Úrslit í firmakeppninni á fimmtudaginn!

 

Nú er lokið undanrásum í firmakeppni félagsins.  Að venju tóku fjölmörg fyrirtæki þátt og styrktu um leið barna- og unglingastarf félagsins. Firmakeppnin er ein helsta fjáröflunarleið okkar og því afar mikilvæg fyrir starfsemina. Færum við öllum þátttakendum bestu þakkir fyrir framlag sitt.

Undanrásir voru tefldar í sex riðlum; sá fyrsti fór fram 15. apríl og sjötti riðillinn var tefldur sl. fimmtudag, 8. maí.   Keppnin fór þannig fram að í skákmaður dró sér fyrirtæki til að tefla fyrir og unnu tvö þau efstu sér rétt  til þátttöku í úrslitum. Þannig haf tólf fyrirtæki tryggt sér sæti í úrslitakeppninni, en ef mæting verður góð nk. fimmtudag, þegar úrslitakeppnin fer fram, fjölgar þátttakendunum og verður þá valið úr hópi þeirra sem höfnuðu í þriðja sæti í riðlunum.

 

Sigurvegarar í einstökum riðlum urðu þessir:

 

Fyrsti riðill, 15. apríl

Landsbankinn og Securitas komust áfram, Íslensk verðbréf til vara

 

Annar riðill, 25. apríl

Matur og Mörk og Rafeyri komust áfram, Bautinn til vara.                                       

 

Þriðji riðill, 1. maí

TM og BSO komust áfram,  Ásbyrgi til vara.

 

Fjórði riðill, 4. maí

Olís  og Nýja kaffibrennslan komust áfram, Skíðaþjónustan til vara.                              

 

Fimmti riðill,  4. maí

Frost kælismiðja og Raftákn komust áfram, Grófargil til vara

 

Sjötti riðill, 8. maí

Kjarnafæði og Bakaríið við brúna komust áfram,  Íslandsbanki til vara.

 

Þá eru upp taldir þeir þátttakendur sem munu tefla um sigurinn nú á fimmtudag.

Þeir sem falla úr keppni eftir undanrásir eru þessir:

Arion banki

Bílaleiga Akureyrar

Blikk og tækniþjónustan

Brimborg

Bústólpi

Byggð fasteignasala

Dekkjahöllin

Efla verkfræðistofa

Efling sjúkraþjálfun

Gullsmiðir Sigtryggur og Pétur

Hafnarsamlag Norðurlands

Húsasmiðjan

Höldur

JMJ

KEA

KPMG

Krua Siam

Litla Saumastofan

Mjólkusamsalan

Norðlenska

Norðurorka

Rarik

Sérleyfisbílar Akureyrar

Sjóvá

Slippurinn

VÍS                  

 

Fjölmargir skákmenn hafa telft fyrir hönd þessara fyrirtækja í undanrásum. Þeir eru þessir: Andri Freyr Björgvinsson

Áskell Örn Kárason

Einar Guðmundsson

Gunnar Símonarson

Haki Jóhannesson

Haraldur Haraldsson

Jón Kristinn Þorgeirsson

Karl Egill Steingrímsson

Kristinn P. Magnússon

Logi Rúnar Jónsson

Sigurður Arnarson

Sigurður Eiríksson

Símon Þórhallsson

Sveinbjörn Sigurðsson

 

Svo hvetjum við sem flesta til að mæta til leiks á fimmtudaginn þegar teflt verður til úrslita.  Baráttan hefst kl. 20.

Hraðskák á fimmtudagskvöld

Enn eru hraðar hendur í firmakeppni. Fjórði og væntanlega síðasti undanrásariðill á morgun og hefst kl. 20. Öllum heimil þátttaka og borðgjald 0 kr. eins og ávallt í firmakeppninni. 

Munið, að það er félaginu í hag að sem flestir mæti!

Stjórnin

Jón Kristinn Íslandsmeistari í skólaskák!

Landsmótinu í skólaskák er nú nýlokið í Reykjavík. Þar áttu norðlendingar eystri þrjá fulltrúa í eldri flokki og stóðu þeir sig allir með prýði. Bestur var þó Jón Kristinn Þorgeirsson, sem vann flokkinn eftir glæsilegan sigur á fráfarandi meistara og stigahæsta keppandanum, Oliver Aron Jóhannessyni úr Reykjavík. Jón vann 10 af 11 skákum sínum, gerði aðeins jafntefli við bekkjarbróður sinn úr Lundasrkóla, Símon Þórhallsson.  Símon átti einnig mjög gott mót og hreppti þriðja sætið, eins og í fyrra. Hann fékk 8 vinninga. Benedikt Stefánsson var nú að tefla á sínu fyrsta landsmóti. Hann varð 10. með tvo vinninga og má vel við una. Þessi úrslit þýða það að Norðurland eystra fær aftur þrjú sæti á næsta landsmóti.  Þá dreymir okkur um gull, silfur og brons!

Í yngri flokki átti umdæmið einn fulltrúa, Óliver Ísak Ólason. Hann stóð sig prýðisvel og fékk helming vinninga, eða fimm og hálfan, vel yfir því sem stig hans segja til um. Óliver var hér að tefla á sínu öðru landsmóti og er vel í stakk búinn til að tefla um verðlaunasæti að ári.  Íslandsmeistari í yngri flokki varð Vignir Vatnar Stefánsson úr Kópavogi. 

Við óskum þeim fjórmenningum til hamingju með gott mót og látum þess auðmjúklega getið að þeir eru allir félagsmenn í Skákfélagi Akureyrar og hafa hlotið sína þjálfun hjá félaginu - nú í vetur einkum hjá Sigurði Arnarsyni, magister í framhaldsflokki. 

Nánari umfjöllun um mótið má sjá á skák.is og öll úrslit á chess-results, eldri og yngri