Öfug aldursröð

3. umferð TM-mótaraðarinnar fór fram í kvöld. 7 keppendur mættu og tefldu tvöfalda umferð, allir við alla, með 5 mín umhugsunartíma á hverja skák.

Úrslitin voru býsna nærri því að vera í öfugri aldursröð. Þrír unglingar, Jón Kristinn, Símon Þórhallsson og Sigurður Arnarson, röðuðu sér í þrjú efstu sætin.

Úrslitin urðu:

Jón Kristinn 10 vinningar af 12 mögulegum

Símon Þórhallsson 9,5 vinningar

Sigurður Arnarson 9 vinningar

Haki Jóhannesson 6 vinningar

Haraldur Haraldsson 5,5 vinningar

Karl E. Steingrímsson 2 vinningar

Kristján Hallberg 0 vinningar.

Heildarstaðan er eins og sjá má hér að neðan.

	8.jan	15.jan	22.jan	samtals
Jón Kristinn	10,5	10	10	30,5
Símon Þórhallsson	8,5	8	9,5	26
Haraldur Haraldsson	5,5	3,5	5,5	14,5
Andri Freyr Björgvinsson	6,5	3		9,5
Sigurður Arnarson			9	9
Smári Ólafsson		8		8
Karl Egill Steingrímsson	0,5	5	2	7,5
Sigurður Eiríksson	7			7
Haki Jóhannesson			6	6
Kristinn		4		4
Sveinbjörn Sigurðsson	3,5			3,5
Kristján Hallberg			0	0

Pörun í 2. umferð

Pörun fyrir 2. umferð Norðurorkumótsins liggur nú fyrir.

Áskell Örn – Hjörleifur

Jakob Sævar – Ólafur

Jón Kristinn – Andri Freyr

Símon – Haki

Logi Rúnar – Haraldur

Karl – Smári

Sigurður – Hreinn

Kristján – Oliver Ísak

Eymundur – Ulker

Benedikt parast ekki.

Gabríel og Sveinbjörn sitja yfir.

Félagsmenn fyrir sunnan

Skákmenn SA eru duglegir þessa dagana. 21 skákmaður tekur þátt í Norðurorkumótinu en að auki taka skákmenn félagsins þátt í tveimur mótum á Stór-Hafnarfjarðarsvæðinu.

Fjórir félagar taka þátt í 84. Skákþingi Reykjavíkur sem nú er í gangi. Nú þegar hafa verið tefldar 5 umferðir.

Mikael Jóhann Karlsson (2077) hefur 3,5 vinninga og er efstur félagsmanna í mótinu. Frammistaða hans samsvarar 2237 skákstigum.

Stefán Bergsson (2085), Þór Valtýsson (2000) og Óskar Long (1829) hafa allir fengið hálfum vinningi minna og tapað einhverjum skákstigum. Í dag vakti athygli að Stefán svaraði 1.e4 með 1...f5 en hafði ekki erindi sem erfiði.

Nóa Síríus mótið - Gestamót Hugins og Breiðabliks 2015 er einnig í gangi. Þar er 2 umferðum lokið. Þrír af þeim fjórum SA-mönnum sem taka þátt í Skákþingi Reykjavíkur taka einnig þátt í þessu móti. Það eru þeir Stefán, Mikael og Óskar.

Stefán og Mikki hafa 1,5 vinninga en Óskar er enn án vinninga eftir að hafa fengið tvo sterka andstæðinga.

Skákfélagið óskar félagsmönnum sínum góðs gengis í framhaldinu.