Umdæmismót í skólaskák

Umdæmismót í skólaskák fyrir Norðurland eystra verður haldið á Akureyri nk. laugardag 14. apríl kl. 13.00. Teflt verður í tveimur aldursflokkum, eldri flokki (8-10.) bekk og yngri flokki (1-7. bekk).  

Kepnnisrétt á mótinu eiga þau börn sem skipa efstu sætin á sýslumótum (þ.m.t. Aksureyrarmót í skólskák), þar sem þau hafa verið haldin. Til greina kemur að heimila fleiri keppendum þátttöku, m.a. af svæðum þar sem ekki hafa verið haldin sýslumót. 

Gert er ráð fyrir að tveir efstu keppendur í eldri flokki á Akureyrarmótinu taki þátt, (Arnar Smári og Gabríel Freyr) sömuleiðis tveir efstu yngri flokki (bræðurnir Fannar Breki og Jökull Máni) en vonir standi til þess að þeim sem höfnuðu í 3. og 4. sæti verði einnig boðin þátttaka. 

Fjöldi umferða er óviss meðan fjöldi keppenda liggur ekki fyrir, en umferðurnar verða þó ekki fleiri en 7. Umhugsunartími verður 15 mínútur á skák. 

Sigur í hvorum aldursflokki gefur sæti á Landsmótinu í skólaskák sem haldið verður í upphafi maímánaðar. 

Páskaeggjamót

 

Í dag, annan í páskum, fór fram páskaeggjamót Skákfélagsins. Samtals mættu 14 keppendur til leiks og var tefld hraðskák, allir við alla. Þrír yngstu keppendurnir röðuðu sér í þrjú efstu sætin. Páskaeggjameistari varð Símon Þórhallsson sem lagði alla sína andstæðinga á ippon. Næstir honum komu Jón Kristinn Þorgeirsson og Andri Freyr Björgvinsson. Hlutu þeir allir páskaegg að launum. Einnig voru dregin út aukaverðlaun og hneppti Haki Jóhannesson þau. Því miður náðist hann ekki á mynd en meðfylgjandi mynd sýnir ungu mennina.
Lokastaðan varð sem hér segir:

 

 

Símon              13 vinningar af 13 mögulegum

Jón Kristinn       11

Andri              10,5

Tómas              9

Elsa               8

Sigurður A. og Gylfi    7

Sigurður E. og Heiðar   5

Haraldur           4,5

Hjörtur og Karl    4

Haki               3

Hilmir             0

 

Jón Kristinn bikarmeistari

Að venju var bikarmót SA haldið um páskana. Mótið hófst á skírdag og lauk á föstudaginn langa. Átta skákjöfrar telfdu um bikarinn að þessu sinni, en mótið er útsláttarkeppni með þeim hætti að þátttakendur falla út eftir þrjú töp (jafntefli = 1/2 tap). Umhugsunartími er 15 mín á skákina. 

Þegar fyrri degi lauk voru þeir Heiðar Ólafsson, Benedikt Stefánsson, Haraldur Haraldsson og Sigurður Einarsson slegnir út, en fimm umferðir voru tefldar þann dag. Á langa deginum áttust við þeir sem eftir sátu og drógust saman þannig að Símon tefldi þrjár skákir við Áskel og Jón Kristinn þrjár við Sigurð Arnarson málningarmeistara. Drátturinn vildi hafa þetta svona og aðrir kostir voru ekki í boði. Ungu mennirnir náðu að knésetja þá eldri (2-1 í báðum tilvikum) og sátu því einir að lokaviðureigninni, þar sem Jón Kristinn hafpi betur og hammpar því þessum eftirsótta titli.

Næst verður PÁSKAHRAÐSKÁKMÓTIÐ á dagskrá á mánudag, annan páskadag og hefst kl. 13.00.